اسلام آباد: پاکستان میں اتوار کو کڑی سکیورٹی کے درمیان نیشنل اسمبلی اور پنجاب اسمبلی کی 13 نشستوں پر ہو رہے ضمنی انتخاب کے لیے ووٹنگ جاری ہے۔ ان 13 نشستوں میں سے چھ نشستیں نیشنل اسمبلی کی اور سات نشستیں پنجاب اسمبلی کی ہیں۔ پاکستان الیکشن کمیشن کی جانب سے اعلان کیے گئے ووٹنگ پروگرام کے مطابق، ووٹنگ صبح آٹھ بجے شروع ہوئی اور بغیر کسی وقفے کے شام پانچ بجے تک جاری رہے گی۔
پاکستان تحریک۔انصاف (پی ٹی آئی) کے اراکینِ اسمبلی کو نااہل قرار دیے جانے کے بعد زیادہ تر نشستیں خالی قرار دی گئی تھیں۔ ان اراکین کو نو مئی، 2023 کو اپنی پارٹی کے سربراہ عمران خان کی گرفتاری کے خلاف فوجی اور غیر فوجی ٹھکانوں پر ہوئے حملوں میں مبینہ طور پر شامل ہونے کا مجرم ٹھہرایا گیا تھا۔