پشاور: شمال مغربی پاکستان کے خیبر پختونخوا صوبے میں دہشت گردوں نے ایک مقامی پیِس کمیٹی کے دفتر پر حملہ کرکے 7 ارکان کو گولیاں مار کر قتل کردیا۔ پولیس نے جمعہ کو یہ معلومات دیں۔ اس نے بتایا کہ بندوق برداروں نے جمعرات دیر رات بنوں ضلع کے دارا دریز علاقے میں کمیٹی کے دفتر پر حملہ کیا اور پیِس کمیٹی کے سربراہ قاری جلیل کے دفتر کو نشانہ بنایا۔
حکام نے بتایا کہ حملے میں ایک شخص زخمی ہوگیا۔ پولیس نے کہا کہ حملہ آوروں نے دیر رات ہونے والے حملے کے دوران جدید ہتھیاروں کا استعمال کیا۔ قانون نافذ کرنے والی ایجنسیوں نے علاقے کو گھیر لیا ہے اور حملہ آوروں کا پتہ لگانے کے لیے تلاشی مہم شروع کی ہے۔ ابھی تک کسی بھی گروہ نے حملے کی ذمہ داری نہیں لی ہے۔