واشنگٹن: ایک اعلیٰ امریکی انٹیلی جنس اہلکار نے قانون سازوں کو بتایا کہ پاکستان نے اقتصادی بدحالی اور بھارت کے ساتھ اس کے متنازعہ تعلقات کے باوجود گزشتہ سال اپنی جوہری جدید کاری کی کوششوں کو جاری رکھا جو اس کی دفاعی پالیسی کو آگے بڑھا رہا ہے۔ یہ بات ڈیفنس انٹیلی جنس ایجنسی کے ڈائریکٹر لیفٹیننٹ جنرل جیفری کروز نے پیر کو چین کے حوالے سے ایک ملاقات کے دوران کہی۔ کروز نے قانون سازوں کو بتایا کہ پاکستان نے کشمیر پر بھارت کے ساتھ اپنے تنازع کو حل کرنے کے لیے اقوام متحدہ کی سلامتی کونسل اور مختلف ممالک سے تعاون طلب کیا ہے۔
انہوں نے کہا کہ فروری 2021 سے پاکستان اور بھارت کے درمیان لائن آف کنٹرول پر ایک غیر یقینی جنگ بندی جاری ہے۔ انہوں نے کہا کہ پاکستان نے معاشی بدحالی کے باوجود اپنی جوہری جدید کاری کی کوششوں کو جاری رکھا ہواہے۔ پاکستانی سیکورٹی فورسز اور شہریوں کے خلاف دہشت گردی کے تشدد میں بھی گزشتہ سال اضافہ ہوا ہے۔ کروز نے اعلیٰ امریکی قانون سازوں کو بتایا کہ بھارت کے ساتھ پاکستان کے متنازعہ تعلقات اس کی دفاعی پالیسی کو متاثر کر رہے ہیں۔ تاہم، انہوں نے کہا کہ فروری 2021 میں جنگ بندی کے بعد سے، دونوں ممالک کے درمیان سرحد پار تشدد میں کمی آئی ہے۔