اسلام آباد: پاکستان کی پنجاب پولیس نے گزشتہ 30 دنوں میں چلائے گئے مختلف آپریشنز کے دوران کالعدم تحریک طالبان پاکستان (ٹی ٹی پی) کے 49 دہشت گردوں کو گرفتار کیا ہے۔ پولیس نے ہفتے کو یہ جانکاری دی۔ پنجاب پولیس کے انسداد دہشت گردی محکمہ (سی ٹی ڈی) نے بتایا کہ اس نے پنجاب کے مختلف اضلاع میں مجموعی طور پر 425 آپریشنز کیے، جن میں 427 مشتبہ افراد سے پوچھ گچھ کی گئی اور 49 دہشت گردوں کو گرفتار کیا گیا۔ اس کے علاوہ ہتھیار، دھماکہ خیز مواد اور دیگر ممنوعہ سامان برآمد کیا گیا ہے۔
سی ٹی ڈی کے بیان میں کہا گیا ہے کہ دہشت گردوں نے مختلف شہروں میں اہم عمارتوں کو نشانہ بنانے کی سازش رچی تھی۔ گرفتار دہشت گردوں کے خلاف 44 مقدمات درج کیے گئے ہیں اور مزید تفتیش کی جا رہی ہے۔ سی ٹی ڈی نے دہشت گردوں کے قبضے سے 16,480 گرام دھماکہ خیز مواد، دو ہینڈ گرینیڈ، 36 ڈیٹونیٹر، 58 فٹ سیفٹی فیوز وائر، چھ بم اور ممنوعہ لٹریچر برآمد کیا ہے۔ سی ٹی ڈی نے الزام لگایا ہے کہ گرفتار دہشت گردوں میں سے ایک بھارتی خفیہ ایجنسی کے لیے کام کرنے والا مشتبہ شخص ہے۔ تاہم اس نے اس کا کوئی ثبوت پیش نہیں کیا۔