16  دسمبر کی تاریخ میں پاکستان میں معصوم  سکولی بچوں پر ہوئے دہشت گردانہ حملے کی المناک واقعہ کے ساتھ درج ہے۔  آرمی پبلک سکول پشاور پر ہونے والے طالبان حملے میں جس انتہائی  درجے کی بربریت اور سفاکی کا مظاہرہ کیا گیا اس نے پاکستانی قوم کے ساتھ ساتھ پوری دنیا کو بھی ہلا کر رکھ کر دیا تھا۔

طالبان کی پاکستانی یونٹ تحریک طالبان کے دہشت گردوں نے 16 دسمبر 2014  کو پشاور میں ایک  سکول کو نشانہ بنایا اور اندھا دھند گولیاں برساکر 150 لوگوں کی جان لے لی تھی ۔ان میں 134 بچے تھے۔چھ دہشت گرد سکیورٹی یونیفارم میں آرمی  سکول میں گھسے اور ان پر بزدلانہ حملے کو انجام دیا۔

اس وقت اسکول میں 1500 سے زیادہ بچے تھے اور حملے کے دوران 1000 سے زیادہ بچوں کو محفوظ باہر نکال لیا گیا۔باقی بچے سکول میں پھنسے رہ گئے اور ان میں سے 134 معصوموں کی جان چلی گئی۔دہشت گرد تنظیم تحریک طالبان نے حملے کی ذمہ داری لی تھی۔موقع پر پاک فوج نے 6 دہشت گردوں کو مار گرایا تھا۔