نیشنل ڈیسک: اگر آپ بھی روزمرہ کی اشیا مثلاً دودھ، بریڈ یا دیگر کھانے پینے کی اشیا ءآن لائن آرڈر کرتے ہیں تو ہوشیار ہوجائیں۔ یہ خبر آپ کی صحت سے متعلق ہے۔ ملک کی راجدھانی دہلی میں کچھ لوگوں کی شکایت کے بعد فوڈ ڈیپارٹمنٹ نے جب جانچ شروع کی تو بڑا انکشاف ہوا۔ معلوم ہوا کہ کچھ معروف آن لائن ڈلیوری کمپنیاں صارفین کی صحت سے کے ساتھ کھلواڑ کر رہی ہیں۔ وہ ایکسپائری یا خراب شدہ پروڈکٹ فروخت کر رہے ہیں جس کی وجہ سے لوگوں کے بیمار ہونے کا خطرہ ہے۔

بریڈ ایکسپائری کی شکایت سے ہوا خلاصہ
ایک رپورٹ کے مطابق دہلی میں ایک گاہک نے شکایت کی تھی کہ اسے ڈلیوری میں پھپھندی لگی بریڈ ملی ہے۔ اس شکایت کے بعد جب فوڈ سیفٹی ڈپارٹمنٹ نے تحقیقات کی تو پتہ چلا کہ بریڈ ایکسپائر ہوچکی تھی۔ ابتدائی تحقیقات میں یہ بھی پتہ چلا کہ آن لائن ڈیلیوری کمپنی ایکسپائری ڈیٹ کو ہٹا کر سامان فروخت کر رہی تھی۔ اس سنگین لاپرواہی کے بعد ایک کمپنی کا لائسنس ایک ماہ کے لیے منسوخ کر دیا گیا ہے اور جنوبی دہلی کی ایک یونٹ کو بھی سیل کر دیا گیا ہے۔
اسی طرح کا ایک اور معاملہ سامنے آیا ہے جس میں ایک ڈلیوری کمپنی نے گارلک بریڈ کی ایکسپائری ڈیٹ ہٹا دی تھی۔ چونکا دینے والی بات یہ ہے کہ ہر ماہ 4 سے 5 ایسے کیس سامنے آ رہے ہیں۔
خراب پروڈکٹ ملنے پر کیا کریں؟
اگر آپ کو کبھی ایکسپائریا خراب پروڈکٹ ملتا ہے، تو یہ قدم اٹھائیں:
کمپنی سے رابطہ کریں: سب سے پہلے آن لائن ڈیلیوری کمپنی سے رابطہ کریں جس سے آپ نے سامان منگوایا ہے، اور رقم کی واپسی کا مطالبہ کریں۔
کنزیومر پروٹیکشن ایجنسی: اگر کمپنی آپ کی شکایت نہیں سنتی ہے، تو آپ کنزیومر پروٹیکشن ایجنسی کے پاس شکایت درج کر سکتے ہیں۔ ایکسپائر پرڈکٹ کی فروخت ایک سنگین جرم ہے اور صارفین کے تحفظ کے قوانین کی خلاف ورزی ہے۔
فوڈ سیفٹی ڈیپارٹمنٹ سے شکایت کریں: اگر آن لائن ڈیلیوری کمپنی آپ کی شکایت پر توجہ نہیں دیتی ہے، تو آپ فوڈ سیفٹی ڈیپارٹمنٹ کے ہیلپ لائن نمبر 1800113921 پر براہ راست شکایت درج کر سکتے ہیں۔