نئی دہلی : نائب صدر جمہوریہ وینکیا نائیڈو نے دو ٹوک جواب دیتے ہوئے کہا کہ اب پڑوسی ملک پاکستان سے صرف پاکستان مقبوضہ کشمیر ( پی او کے ) پر بات ہوگی ۔ وشاکھا پٹنم میں نیول سائنس اینڈ ٹیکنا لوجی لیبارٹری کی گولڈن جوبلی تقریب کو خطاب کرتے ہوئے نائیڈو نے کہا کہ ہم امن پسند لوگ ہیں ۔ ہم جنگ نہیں چاہتے ۔ نائب صدر نے کہا کہ کشمیر ہندوستان کا اٹوٹ حصہ ہے اور پاکستان سے اب کسی بھی طرح کی بات چیت نہیں کی جائے گی ، بجائے پی او کے  کے ۔ نائیڈو نے کہا کہ ہم لوگ امن پسند شہری اور امن کا ہی پیغام دیتے ہیں ۔ 

بتا دیں کہ نائیڈو سے پہلے مرکزی وزیر داخلہ امت شاہ اور وزیر دفاع راجناتھ سنگھ بھی پاکستان کو جواب دے چکے ہیں اور اب  بات صرف پی او کے کی ہوگی ۔  وزیر داخلہ امت شاہ نے جموں کشمیر تشکیل نو بل پر لوک سبھا میں بحث کے دوران کہا ، ' جب میں جموں کشمیر بولتا ہوں تو اس میں پاکستان مقبوضہ کشمیر (پی او کے ) بھی آتا ہے اور اکسائی چین بھی آتا ہے ۔ 
قابل ذکر ہے کہ جموں کشمیر سے دفعہ 370 ہٹنے کے بعد پاکستان بوکھلایا ہوا ہے اور بھارت کو ایٹمی جنگ کی دھمکی تک دے چکا ہے ۔