ابوجا: امریکہ نے اعلان کیا ہے کہ وہ نائیجیریا میں عیسائیوں کے خلاف اجتماعی قتل اور تشدد میں شامل اس مغربی افریقی ملک کے شہریوں اور ان کے خاندان کے افراد پر ویزا پابندی لگائے گا۔ امریکی وزارتِ خارجہ نے ایک بیان میں کہا کہ یہ کارروائی مغربی افریقی ملک میں طویل عرصے سے جاری مشکل سکیورٹی بحران کا حصہ ہے۔
امریکی صدر ڈونالڈ ٹرمپ نے حال ہی میں نائیجیریا میں کٹر اسلام پسندوں کی جانب سے ‘عیسائیوں کے قتل’ کا ذکر کیا تھا۔ گزشتہ ماہ ٹرمپ نے امریکی محکمہ دفاع کے ہیڈکوارٹر پینٹاگون کو عیسائیوں پر مظالم کے دعووں کے پیش نظر نائیجیریا میں ممکنہ فوجی کارروائی کی منصوبہ بندی شروع کرنے کا بھی حکم دیا تھا۔