نئی دہلی: وزیر اعظم نریندر مودی نے روس کے صدر ولادیمیر پوتن کے گھر کو نشانہ بنائے جانے کی خبروں پر منگل کے روز گہری تشویش کا اظہار کیا اور روس اور یوکرین سے دشمنی ختم کرنے کے لیے سفارتی کوششوں پر توجہ مرکوز کرنے کی اپیل کی۔وزیر اعظم مودی نے سوشل میڈیا پلیٹ فارم ایکس پر لکھا کہ روسی فیڈریشن کے صدر کے گھر کو نشانہ بنائے جانے کی خبریں بہت تشویشناک ہیں۔
روس نے پیر کے روز دعویٰ کیا کہ طویل فاصلے تک مار کرنے والے 91 یوکرینی ڈرونز نے ماسکو کے شمال میں نووگورود علاقے میں صدر ولادیمیر پوتن کے مستقل گھر پر حملہ کرنے کی کوشش کی۔وزیر اعظم مودی نے کہا کہ جاری سفارتی کوششیں دشمنی ختم کرنے اور امن حاصل کرنے کی سمت سب سے عملی راستہ فراہم کرتی ہیں۔وزیر اعظم نے کہا کہ ہم تمام متعلقہ فریقوں سے اپیل کرتے ہیں کہ وہ ان کوششوں پر توجہ مرکوز رکھیں اور کسی بھی ایسی کارروائی سے گریز کریں جو انہیں کمزور کر سکتی ہے۔