انٹرنیشنل ڈیسک: میکسیکو ایک بار پھر  ایک قتل کی وجہ سے سرخیوں میں ہے۔ ریاست جالیسکو کے شہر زاپوپان میں منگل کو پیش آئے ایک دل دہلا دینے والے واقعے نے پورے ملک کو ہلا کر رکھ دیا۔ محض 23 سال  مقبول سوشل میڈیا انفلوئنسر اور ماڈل والیریا مارکیز کو ٹک ٹاک لائیو کے دوران گولی مار کر ہلاک کر دیا گیا۔
لائیو  کے دوران چلی گولی ،کیمرے کے سامنے ختم ہوئی زندگی 
والیریا بیوٹی سیلون میں بیٹھی لائیو سٹریمنگ کر رہی تھی اور ڈ اور ڈیلیوری بوائے سے بات کر رہی تھی ، تبھی اچانک ایک حملہ آور سیلون میں داخل ہوا اور اس کے سینے اور سر میں گولی مار دی جس سے وہ موقع پر ہی جاں بحق ہو گئی۔ کیمرے کے سامنے پیش آنے والے اس واقعے نے سوشل میڈیا پر ہلچل مچا دی ہے۔
جائے حادثہ بنا خوف کا مرکز 
یہ واقعہ گواڈالہارا کے مضافات میں واقع شہر زاپوپان میں پیش آیا، جو پہلے ہی پرتشدد جھڑپوں اور گینگ سرگرمیوں کے لیے جانا جاتا ہے۔ چونکا دینے والی بات یہ ہے کہ اس کے چند گھنٹوں بعد پی آر آئی پارٹی کے سابق رکن پارلیمنٹ لوئس آرمانڈو کورڈووا ڈیاز کو بھی اسی علاقے میں گولی مار کر ہلاک کر دیا گیا۔ 

https://x.com/GoreCine/status/1922692517872464091
کارٹیل کی سازش یا نسوانی قتل؟
ریاست جلیسکو کو نیو جنریشن جلسکو کارٹیل کے زیر اثر سمجھا جاتا ہے۔ علاقوں پر قبضے کے لیے مافیا کے گروہوں کے درمیان خونریز لڑائیاں یہاں عام ہیں۔ تاہم، والیریا کے قتل کی تحقیقات فیمیسائیڈ(عورت ہونے کی وجہ سے قتل)کے زاویے سے بھی کی جا رہی ہیں، جو لاطینی امریکہ میں خواتین کے خلاف بڑھتے ہوئے تشدد کی تشویشناک تصویر پیش کرتی ہے۔ 
مداحوں میں غصہ اور غم ، حکومت پر اٹھ رہے سوال 
والیریا کی موت کے بعد ان کے سوشل میڈیا اکاؤنٹس پر تعزیت اور غصے کے پیغامات کی بھرمار ہے۔ شائقین اور مقامی لوگ حکومت سے مطالبہ کر رہے ہیں کہ مجرموں کے خلاف کارروائی کی جائے اور خواتین کی حفاظت کو یقینی بنایا جائے۔ 
تفتیش جاری ہے، پولیس حملہ آور کی تلاش میں مصروف 
مقامی پولیس اور تفتیشی ایجنسیوں نے معاملے کی تحقیقات شروع کر دی ہیں۔ حملہ آور کی شناخت اور اس کے محرکات کا پتہ لگانے کے لیے جائے وقوعہ سے سی سی ٹی وی فوٹیج اور ڈیجیٹل سراغ  اکٹھے کیے جا رہے ہیں۔