اسلام آباد : پاکستان کے سابق وزیر اعظم نواز شریف کی بیٹی مریم نواز کی طبیعت  خراب ہے اور انہیں اسی ہسپتال میں داخل کرایا گیا ہے جہاں ان کے والد کا پلیٹلیٹس کم ہو جانے کے چلتے علاج چل رہا ہے ۔ ایکسپریس ٹربیون کی ایک رپورٹ کے مطابق شریف (69) کی پلیٹلیٹس  پیر کے روز کافی زیادہ کم  ہوگئیں اور ان کی حالت  سنگین ہوگئی ہے ۔ انہیں کوٹ لکھپت جیل سے لاہور کے سروس ہسپتال میں داخل کرایا گیا ۔ 

رپورٹ میں کہا  گیا کہ کوٹ لکھپت جیل میں ہی سزا کاٹ رہیں مریم نواز نے اپنے والد کو ہسپتال میں دیکھنے جانے کی اجازت سے متعلق عرضی جوابدہی عدالت میں داخل کی تھی جسے عدالت نے خارج کردیا تھا ۔ وزیر اعظم عمران خان کے احکامات پر پنجاب محکمہ داخلہ نے مریم کو بیمار والد کو دیکھنے جانے کی اجازت دی ۔ والد سے ملنے کے بعد مریم خود بھی بیمار پڑ گئیں ۔ 
اس کے بعد انہیں بھی اسی ہسپتال اور بغل والے کمرے ہی داخل کیا گیا ہے ۔ جیو ٹی وی کے مطابق مریم کو وی وی آئی پی 2 میں داخل کیا گیا ہے ۔ وہیں ان کے والد وی وی آئی پی 1 میں داخل ہیں ۔