نیشنل ڈیسک: آسام میں این آر سی فہرست جاری ہونے کے بعد اب دہلی میں بھی این آر سی لاگو کرنے کا مطالبہ کیا گیا ۔ دہلی بھاجپا صدر منوج تیواری نے اب قومی دارالحکومت میں این آر سی کی ضرورت بتائی ہے ۔انہوںنے کہا کہ دہلی میں بھی این آر سی تیار کرنے کی ضرورت ہے ،کیونکہ حالات خطرناک ہوتے جا ر ہے ہیں۔غیر قانونی تارکین وطن (گھس پیٹھئے )جو یہاں بس گئے ہیں، وہ سب سے زیادہ خطرناک ہیں، ہم یہاں بھی این آر سی لاگو کریں گے۔
منوج تیواری اس سے پہلے بھی کئی بار دارلحکومت میں این آر سی کا مطالبہ کر چکے ہیں ۔ انہوںنے پہلے بھی ایک بیان میں کہا تھا کہ ' روہنگیا تارکن وطن ( گھس پیٹھیوں ) کے حملے سے دہلی میں لوگ خوف کے سائے میں جی رہے ہیں، اس لئے یہاں بھی نیشنل رجسٹرار آف سٹیزنز ( این آر سی ) قانون نافذ ہونا چاہئے ، تاکہ عوام چین اور سکون سے رہ سکیں۔
بتادیں کہ وزارت داخلہ نے آسام میں این آر سی کی فائنل اور آخری فہرست جاری کردی ہے، جس میں 19 لاکھ لوگوں کے نام نہیں ہیں۔ یہ لوگ اگر 120 دنوں کے اندر اپنی شہریت ثابت نہیں کرپاتے ہیں تو انہیں غیر قانونی شہری قرار دیا جائے گا ۔ حالانکہ اس کے بعد لوگوں کے پاس ہائی کورٹ یا سپریم کورٹ جانے کا متبادل( آپشن ) رہے گا