لندن: حیدرآباد جانے والی لفتھانسا کی پرواز کو بم کی دھمکی ملنے کے بعد فرینکفرٹ ہوائی اڈے پر واپس جانا پڑا۔ ایئر لائن نے پیر کو یہ جانکاری دی۔ پرواز نمبر LH752 نے اتوار کو مقامی وقت کے مطابق دوپہر 2.14 بجے جرمنی سے اڑان بھری تھی اور اسے دیر رات حیدرآباد کے راجیو گاندھی بین الاقوامی ہوائی اڈے پر اترنا تھا لیکن پرواز کی نگرانی کے اعداد و شمار نے ٹیک آف کے چند گھنٹے بعد ہی طیارے کے راستے میں تبدیلی ظاہر کی ہے۔ لفتھانسا نے کہا کہ مسافروں کو راتوں رات فرینکفرٹ میں ٹھہرایا گیا تھا اور وہ پیر کی صبح دوبارہ حیدرآباد کے لیے پرواز کر سکتے ہیں۔
ایئر لائن نے ایک بیان میں کہا کہ فرینکفرٹ سے حیدرآباد جانے والی Lufthansa کی پرواز LH752 کو حکام نے سوشل میڈیا پر بم کے خطرے سے آگاہ ہونے کے بعد احتیاط کے طور پر اس کے روانگی کے مقام پر واپس بلانا پڑا ۔اس میں کہا گیا ہے کہ  Lufthansa کے مسافروں اور عملے کی حفاظت ہماری اولین ترجیح ہے۔متاثرہ مسافروں کو فرینکفرٹ میں ٹھہرایا گیا ہے اور وہ آج حیدرآباد کے لیے روانہ ہوں گے۔ حیدرآباد میں ہوائی اڈے کے ذرائع نے پیر کو بتایا کہ  Lufthansa کی فلائٹ نمبر LH 752 پر بم  رکھنے ہونے کی دھمکی والا ای میل 15 جون 2025 کو شام 6.01 بجے حیدر آباد ہوائی اڈے کو موصول ہوئی ۔ انہوں نے کہا کہ ایک کمیٹی تشکیل دی گئی ہے اور معیاری آپریٹنگ طریقہ کار پر عمل کیا گیا ہے۔
انہوں نے کہا کہ ایئر لائن کو مشورہ دیا گیا ہے کہ وہ حفاظت کے پیش نظر اپنے اصل ہوائی اڈے یا قریبی ہوائی اڈے پر واپس آجائے۔ اس سے قبل اتوار کو چنئی جانے والا برٹش ایئرویز کا بوئنگ ڈریم لائنر طیارہ فنی خرابی کی وجہ سے لندن کے ہیتھرو ہوائی اڈے پر پرواز کے درمیان واپس آگیا۔ برٹش ایئرویز نے کہا کہ تکنیکی خرابی کی اطلاع کے بعد، ہوائی جہاز کو احتیاطی اقدام کے طور پر ہیتھرو واپس کر دیا گیا تھا۔ فلائٹ میں سوار ایک مسافر نے اتوار کو فرینکفرٹ ہوائی اڈے سے پی ٹی آئی-بھاشا کو بتایا کہ انہیں بتایا گیا کہ  حیدرآباد نے طیارے کو وہاں اترنے کی اجازت نہیں دی ہے۔ مسافر، جو اپنی والدہ سے ملنے کے لیے امریکہ سے حیدرآباد آرہا تھا، کا کہنا تھا کہ فلائٹ معمول کے مطابق تھی اور تقریبا دو گھنٹے تک ہوا میں اڑان بھرنے کے بعد ہمیں بتایا گیا کہ ہم فرینکفرٹ واپس جا رہے ہیں۔