کولکتہ : شہریت ترمیمی قانون ( سی اے اے )کی حمایت میں ریلی نکال رہے بی جے پی کے جنرل سیکرٹری کیلاش وجے ورگیہ کو جمعہ کو کولکتہ پولیس نے حراست میں لیا۔ اس ریلی کی شروعات کولکتہ کے ٹالی گنج پھیری سے ہونے والی تھی۔ کیلاش وجے ورگیہ نے جیسے ہی ریلی کی شروعات کی، کولکتہ پولیس نے تمام رہنماؤ ں کو حراست میں لے لیا۔
بتایا جا رہا ہے کہ کیلاش وجے ورگے نے سی اے اے کی حمایت میں ابھینندن ریلی نکالنے کے لئے انہوں نے پولیس سے اجازت نہیں لی تھی۔ یہی وجہ ہے کہ پولیس نے انہیں حراست میں لیا۔ پولیس نے کیلاش وجے ورگیہ کو حراست میں لے کر وین میں بٹھا کر ریلی کے مقام سے دور لے گئے۔