سرینگر : کشمیر میں محرم کا جلوس نکالنے سے روکنے کیلئے شہر اور وادی کے کئی حصوں میں کرفیو جیسی پابندیاں لگائی ہوئی ہیں کیونکہ افسران کو خدشہ ہے کہ بڑی تعداد میں لوگوں کے متحد ہونے سے تشدد بھڑک سکتا ہے ۔ لال چوک اور آس پاس کے علاقوں کے سبھی داخلی دروازوں کو خارداروں سے بند کردیا گیا ہے اور بھاری تعداد میں سکیورٹی کارکنوں کو بھی تعینات کیا گیا ہے ۔ 

افسروں نے بتایا کہ وادی میں قانونی صورتحال قائم رکھنے کیلئے احتیاطی طور پر کشمیر کے کئی حصوں میں پابندیاں لگائی گئی ہیں ۔ افسروں نے پابندی لگائے جانے کیلئے کسی وجہ کا حوالہ نہیں دیا لیکن ایسا مانا جارہا ہے کہ محرم کے جلوس کا روکنے کیلئے یہ قدم اٹھایا گیا ۔ 
جموں کشمیر سے دفعہ 370 ہٹانے  کے بعد سے ہی کشمیر میں پابندیاں لگی ہوئی ہیں ۔ حالات بہتر ہونے کے بعد کئی جگہ پر مرحلہ وار طریقے سے پابندیاں ہٹائی بھی جارہی ہیں ۔