پونے: شیوسینا کے سینئر لیڈر سنجے راوت نے بدھ کو دعویٰ کیا کہ سابق وزیر اعظم اندرا گاندھی ممبئی میں پرانے ڈان کریم لالہ سے ملنے آتی تھیں۔راوت نے ممبئی میں انڈرورلڈ کے دنوں کو یاد کرتے ہوئے کہا کہ داؤد ابراہیم، چھوٹا شکیل اورشرد شیٹی جیسے گینگسٹر میٹروپولیٹن اور آس پاس کے علاقوں پر کنٹرول رکھتے تھے۔
راوت نے یہاں ایک ایوارڈ تقریب کے دوران ایک میڈیا گروپ کو دئیے انٹرویو میں کہا کہ وہ طے کرتے تھے کہ پولیس کمشنر کون بنے گا، وزارت (سیکرٹریٹ) میں کون بیٹھے گا۔سنجے راوت نے دعویٰ کیا کہ حاجی مستان کے وزارت میں آنے پر مکمل وزارت اسے دیکھنے کے لئے نیچے آ جاتا تھا۔اندرا گاندھی پائی دھونی(جنوبی ممبئی) میں کریم لالہ سے ملنے آتی تھیں۔راوت نے دعویٰ کیا کہ انہوں نے داؤ د ابراہیم سمیت کئی گیگسٹرو کی تصاویر کھینچیں۔شیوسینا لیڈر نے یہ بھی دعویٰ کیا کہ انہوں نے ایک بار داؤد ابراہیم کو پھٹکار لگائی تھی۔