کتھمنڈو: بھارت نے نیپال کے کوشی صوبے کے آفت زدہ اضلاع سمیت دیگر اضلاع کے مختلف تعلیمی اداروں کو 81 سکول بسیں تحفے میں دی ہیں۔ یہ معلومات بدھ کو ایک سرکاری بیان میں دی گئی۔ کتھمنڈو میں واقع بھارتی سفارتخانے نے بیان میں کہا کہ یہ تعاون بھارت اور نیپال کے درمیان "طویل مدتی ترقیاتی شراکت داری اور دوستانہ تعلقات کا حصہ ہے۔
یہ 81 بسیں کوشی صوبے کے آفت زدہ اضلاع ایلام، جھاپا اور اودے پور سمیت نیپال کے 48 اضلاع کے مختلف تعلیمی اداروں کو فراہم کی گئی ہیں۔ اس ماہ کے آغاز میں زوردار بارشوں کے باعث ہونے والے لینڈ سلائیڈ اور سیلاب میں کوشی صوبے میں کئی افراد ہلاک ہوئے تھے۔ ہملہ، مستانگ، سانکھوا سبھا، دارچولا، بیتڑی اور اچام جیسے دور دراز اضلاع کو بھی بسیں تحفے میں دی گئی ہیں۔ بھارتی سفارتخانے کے مطابق، گزشتہ 30 سالوں میں بھارت نے نیپال کے مختلف اداروں کو کل 381 سکول بسیں فراہم کی ہیں۔