نیشنل ڈیسک: پاکستان کے صوبہ سندھ میں پولیس نے اقلیتی ہندو برادری سے تعلق رکھنے والی تین کمسن بہنوں اور ان کے 13 سالہ چچا زاد بھائی کو زبردستی اسلام قبول کرانے کی کوشش ناکام بنا دی ہے۔ جمعہ، 20 جون کو، پولیس نے ان چاروں کو حیدرآباد شہر سے برآمد کیا، جہاں انہیں مبینہ طور پر ایک شخص بہلا - پھسلا کر لے گیا تھا ۔ 
اہل خانہ کی اپیل پر پولیس حرکت میں آگئی
تینوں بہنوں کی عمریں 16، 19 اور 22 سال ہیں، جب کہ ان کے کزن ( چچا زاد بھائی )  13 سال کے ہیں۔ ان کے اہل خانہ نے الزام لگایا کہ بچوں کو لالچ دے کر اسلام قبول کرنے پر مجبور کیا جا رہا ہے۔ اس معاملے پر بچیوں کی ماں نے پریس کانفرنس کر کے انتظامیہ سے مدد کی اپیل کی تھی جس کے بعد ہندو برادری، پنچایت اور مقامی رہنماؤں کے دباؤ  پر پولیس نے فوری کارروائی کی۔
 مذہب  تبدیل کرانے کا ملزم گرفتار 
سینئر پولیس سپرنٹنڈنٹ غلام نبی کریو نے کہا کہ لوگوں کو مذہب تبدیل کرنے کی کوشش کے مرکزی ملزم کو گرفتار کر لیا گیا ہے۔ ان کا کہنا تھا کہ چاروں بچے بدھ 18 جون کو کسی کو بتائے بغیر گھر سے نکلے تھے جس کے چند گھنٹوں بعد ان کی ایک ویڈیو سامنے  آئی۔ ویڈیو میں، لڑکیوں اور ان کے بھائی نے کہا کہ انہوں نے اپنی مرضی سے اسلام قبول کیا ہے، اور ان کے خاندان پر انہیں نقصان پہنچانے کی دھمکی دینے کا بھی الزام لگایا ہے۔
پریس کانفرنس اور کمیونٹی کا ردعمل
بچوں کی ویڈیو  سامنے آنے کے بعد  ان کی ماں نے میڈیا سے بات کرتے ہوئے دعوی کیا کہ یہ سب کچھ زبردستی کیا گیا۔
ماؤں نے خاص طور پر اپنے 13 سالہ بیٹے کی عمر کا حوالہ دیتے ہوئے کہا کہ وہ اتنا بالغ نہیں تھا کہ وہ خود اپنا مذہب تبدیل کرنے جیسا بڑا فیصلہ لے سکے۔
یہ صرف ہندؤوں کی بیٹیاں نہیں ہیں، بلکہ سندھ کی بیٹیاں ہیں:  راجیش کمار
ہندو پنچایت کے سربراہ راجیش کمار نے اس واقعہ پر سخت ردعمل ظاہر کیا ہے۔ ان کا کہنا تھا کہ 'یہ صرف خاندانی معاملہ نہیں بلکہ فرقہ وارانہ سانحہ ہے، یہ لڑکیاں صرف ہندو برادری کی نہیں سندھ کی بیٹیاں ہیں۔' راجیش کمار نے سوال اٹھایا کہ کیا اتنی کم عمر کی لڑکیاں اتنی بالغ/ سمجھدار  ہو سکتی ہیں کہ وہ خود سے مذہب کی تبدیلی جیسا فیصلہ لے سکیں؟
غریبوں کے معاملات میں کوئی کارروائی نہیں ہوتی: ہندو پنچایت
راجیش کمار نے یہ بھی الزام لگایا کہ پولیس اور انتظامیہ صرف بااثر خاندانوں کے معاملات میں ہی مستعدی کا مظاہرہ کرتے ہیں، جب کہ غریب یا غیر تعلیم یافتہ پس منظر سے آنے والی لڑکیوں کے معاملات میں اکثر کوئی کارروائی نہیں کی جاتی۔