نیشنل ڈیسک : جموں کشمیر سے دفعہ 370 کی منسوخی  کے بعد سے تلملایا پاکستان وادی میں ماحول خراب کرنے کی کوشش کررہا ہے ۔ اسی کے تحت قریب 250 دہشت گرد ایل او سی ( لائن آف کنٹرول ) کے پار تعینات ہیں اور ہر دن ہندوستانی سرحد میں دراندازی کی کوشش کررہے ہیں ۔ فوجی سربراہ جنرل منوج مکند نروانے نے بتایا کہ پاکستان کے دہشت گرد دراندازی کے راستے تلاش ررہے ہیں لیکن ان کی سرگرمیوں پر فوج کی پینی نظر ہے ۔ 

26 فروری 2019 کو بالا کوٹ ایئر سٹرائیک کے بارے میں نروانے نے کہا کہ اس سے یہ پیغام  ملا ہے کہ ان دہشت گردانہ کیمپوں خو اندر تک مار کر تباہ کیا جاسکتا ہے ۔ دہشت گردانہ کیمپوں کی جگہ اور  شکل بدلتی رہتی ہے ۔ کبھی یہ کسی عمارت سے چلائے جاتے ہیں تو کبھی جھونپڑی سے بھی چلائے جا سکتے ہیں یا دیہات کے کنارے گھر میں بھی ہو سکتے ہیں ۔ فوج کی نظر ان سرگرمیوں بنی ہوئی ہے ۔ تمام سرگرمیاں اور جانکاریوں کے تجزیہ کی بنیاد پر ان سے نپٹنے کیلئے سوچی سمجھی سٹریٹجی کی بنیاد پر کارروائی کی جاتی ہے ۔ 

فوجی سربراہ نے کہا کہ ابھی پیر پنجال علاقے میں شدید برفباری کے چلتے گھس پیٹھ کے تمام راستے بند ہوگئے ہیں ۔ اس لئے دہشت گردوں کا دھیان نیچے کے علاقوں کی جانب ہے اور وہ جموں وغیرہ علاقوں کی جانب سے دراندازی کے راستے کررہے ہیں لیکن ان کی سرگرمیوں پر فوج کی پینی نظر ہے ۔ انہوں نے کہا کہ  ہندوستانی فوج نے اب تک ایٹمی ہتھیاروں کے بغیر ہی دو - تین بڑی مہموں کو انجام دیا ہے ۔