وارانسی: چین سے شروع ہوا کورونا وائرس کا انفیکشن بہت سے ممالک میں پھیل چکا ہے۔ بھارت بھی اس سے اچھوتا نہیں ہے۔ اسے لے کر پورے ملک سمیت اترپردیش کے بڑے اضلاع میں انتظامیہ کی جانب سے الٹ جاری کیا گیا ہے۔ وزیر اعظم نریندر مودی کے پارلیمانی حلقہ وارانسی میں اس وائرس کی دہشت سے  بھگوان ا بھی اچھوتے نظر نہیں آ رہے ہیں۔بھگوان  میں بھی انفیکشن نہ پھیل جائے اس کے لئے  عقیدتمندوں نے انہیں بھی ماسک پہنا دیا ہے۔ ساتھ ہی اپیل کی گئی ہے کہ وہ بتوں کو نہ  چھو  ئیں۔

 شیو لنگ کو پہنایا گیا  ماسک 
خبر وارانسی کے پرہلاد گھاٹ پر بنے پرہلادیشور مندر  کی ہے۔ یہاں سماجی کارکن رویندر ترویدی نے اپنے ساتھیوں کے ساتھ شولنگ کو ماسک پہنا دیا   ہے۔ساتھ ہی مندر کے باہر بھی پوسٹر لگا کر لوگوں کو آگاہ کیا گیا ہے۔اس میں لکھا ہے کہ مندر میں آنے والے  بھگتوں سے اپیل ہے کہ وہ بتوں کو نہ چھوئیں اور فی الحال دور سے ہی پوجا کریں

لوگوں کو بیدار کرنے کے لئے  بھگوان کو بھی پہنایا ماسک 
رویندر کا کہنا تھا کہ کورونا وائرس کا اثر اب دنیا میں بڑھ رہا ہے، یہ وائرس چھونے سے پھیلتا ہے۔ لہٰذا لوگوں کو بیدار کرنے کے لئے  بھگوان  کو بھی ماسک پہنایا گیا ہے، تاکہ لوگ بھی اس وائرس کو لے کر آگاہ رہیں، لوگ ہاتھ ملانے سے بچیں اور افواہ نہ پھیلائیں۔

مورتیوں کو  نہ چھوئیں 
 رویندر ترویدی نے بتایا کہ ہم لوگوں نے مندر کی مورتیوں اور خاص شو لنگ کو ماسک پہنایا ہے۔ ساتھ ہی لوگوں پر زور دیا گیا ہے کہ بتوں کو نہ چھوئیں ، اس سے بھی وائرس زیادہ لوگوں تک پہنچ سکتا ہے ۔ پجاری  منا تیواری نے بتایا کہ جس طرح جاڑے میں بھگوان  کو کمبل، گرمی میں پنکھا اے سی کا استعمال کرتے ہیں،ٹھیک اسی طرح بیداری کے لئے بھگوان کو بھی ماسک پہنایا گیا ہے۔ کاشی  بھگوان بھولے کی نگری ہے یہاں سے پیغام دور دور تک جاتا ہے۔