انگلینڈ کے ایسیکس میں ایک لاری کنٹینر سے ایک دو نہیں بلکہ 39 لاشیں ملی ہیں۔ اس سنسنی خیز معاملے میں ایسیکس پولیس نے شمالی آئرلینڈ کے رہنے والے لاری ڈرائیور اور اس کے ایک معمولی ساتھی کو گرفتار کر لیا ہے۔فی الحال معاملے کی جانچ کی جا رہی ہے۔ اس واقعہ کے بعد علاقے میں افرا تفری کا ماحول ہے۔ لاش ملنے کے بعد موقع پر پہنچی پولیس نے فورا ً ایمبولنس کو بلایا اور اسے پوسٹ مارٹم کے لئے بھیج دیا۔ 

ایسیکس کے گریس شہر کے ایسٹرن ایونیو میں واٹرگلیڈ انڈسٹریل پارک کے قریب لاری کے بارے میں مقامی وقت کے مطابق دوپہر پونے 2 بجے ایمبولینسوں سروس کی جانب سے پولیس کو اطلاع دی گئی۔اطلاع کے بعد جائے وقوعہ پر پہنچی پولیس نے تحقیقات شروع کر دی اور پھر ناردن آئرلینڈ کے 25 سال کے لاری ڈرائیور کو قتل کرنے کے شک کے الزام میں گرفتار کر لیا۔

ایسیکس پولیس کا کہنا ہے کہ سنیچر کو یہ لاری کنٹینر بلغاریہ سے ہوتے ہوئے ہفتہ کو  ہولی ہیڈ کے راستے انگلینڈ پہنچا۔ایسیکس پولیس نے اس واقعہ پر افسوس کا اظہار کرتے ہوئے کہا ہے کہ اتنی بڑی تعداد میں لوگوں کی لاش برآمد ہونا واقعی غمناک ہے۔ میڈیا ذرائع سے موصول ہو رہی خبروں کے مطابق ان لاشوں میں 38 لاشیں بالغ افراد کی ہیں جب کہ ایک نابالغ بچے کی لاش بھی برآمد ہوئی ہے۔

ڈپٹی چیف کانسٹیبل پیپا ملز کے مطابق، متاثرین کی شناخت کرنا ہماری پہلی ترجیح ہے۔ انہوں نے اپیل ہے کہ جس کسی کو بھی لاری کے راستے کے بارے میں کسی طرح کی کوئی معلومات ہو، یا جس کسی نے بھی اس لاری کو راستے میں دیکھا ہو یا اس کے سفر کے بارے میں جانتا ہو، رابطہ کرے۔انہوں نے کہا کہ 'ہم متاثرین کی شناخت کرنے کی کوشش کر رہے ہیں، حالانکہ مجھے لگتا ہے کہ یہ ایک طویل عمل ہو سکتا ہے''۔

' ملک کے وزیر اعظم بورس جانسن نے بھی اس واقعہ کے تعلق سے افسوس کا اظہار کیا ہے۔ انھوں نے ٹویٹ کرتے ہوئے لکھا ہے کہ ''میں وزارت داخلہ اور ایسیکس پولیس کے ساتھ لگاتار رابطہ میں رہوں گا اور ہم یہ پتہ کرنے کی کوشش کریں گے کہ قاتل کون ہے۔''