دہلی  ، این سی آر  ، ہریانہ ، پنجاب ،کشمیر، ہماچل پردیش سمیت پورے شمالی ہندوستان میں منگل کے روز زلزلے کے تیز جھٹکے محسوس کئے گئے ۔محکمہ موسمیات  کے مطابق ریکٹر اسکیل پر زلزلے کی شدت6.3 ریکارڈ کی گئی ہے ۔

زلزلہ کا مرکز ہندوستان -پاکستان (جموں و کشمیر) سرحد پر 32.9 ڈگری شمالی طول البلد اور 73.7 ڈگری مشرقی طول البلد پر زمین کی سطح سے 40 کلومیٹر کی گہرائی میں تھا-
رپورٹوں کے مطابق، زلزلے کا مرکز پاکستان کے شہر راولپنڈی سے 70 کلومیٹر دور بتایا جا رہا ہے۔وہیں زلزلے نے  جموں کشمیر سرحد سے متصل اپنے مرکز پاک مقبوضہ کشمیر کے میر پور میں بھاری تباہی مچائی ہے ۔ 

 اطلاعات کے مطابق  آزاد کشمیر کے علاقے میرپور میں زلزلے کی وجہ سے سڑکوں میں بڑی بڑی دراڑیں آگئی ہیں اور متعدد گاڑیاں بھی الٹ گئیں۔میرپورمیں عمارت مندم ہونے سے4لوگوں کی موت ہوگئی اور تقریباً 76افراد زخمی ہوئے جنہیں ہسپتال منتقل کردیا گیا۔زلزلے کے جھٹکے ا سلام آباد، راولپنڈی ، جھیلم ، چار سدا ، سوات ، خیبر ، ایٹہ آباد ، باجور، نو شیرہ، اور کوہتان میں محسوس کئے گئے ۔

زلزلے کی وجہ سے لوگ خوفزدہ ہوگئے اور اپنے اپنے گھروں سے باہر نکل گئے ۔پی او کے کی انتظامیہ کے مطابق حالات پر جلد ہی قابو پالیا جائے گا ۔