نئی دہلی : وزیر اعظم نریندر مودی کی اتوار کے روز رام لیلا میدان میں مہارا ریلی ہونے جارہی ہے اور دوسری جانب آج 'ہاف میراتھن' بھی ہے ۔ ایسے میں اگر آپ گھر سے باہر کہیں جارہے ہیں تو ذرا سنبھل کر جائیں ۔ 

دراصل وزیر اعظم  مودی کی ریلی میں جہاں ہزاروں کی تعداد میں لوگ شامل ہوں گے وہیں میراتھن میں بھی کافی بھیڑ ہوگی اور ایسے میں ٹریفک متاثر ہونے کے امکانات ہیں ۔ لوگوں کو کوئی پریشانی نہ ہو اس لئے ٹریفک پولیس  نے ایڈوائزری جاری کی ہے ۔ ساؤتھ ، سینٹرل اور نارتھ دہلی میں کئی مقامات سے ٹریفک منتقل کیا گیا ہے ۔ ٹریفک پولیس نے اجمیری گیٹ کی بجائے پہاڑ گنج کی طرف سے نئی دہلی سٹیشن جانے کی صلاح دی ہے ۔ 

پارکنگ ایڈوائزری 
دہلی ٹریفک پولیس نے پارکنگ کیلئے احکامات جاری کئے ہیں ۔ اس میں بتایا گیا ہے کہ کاریں سول سینٹر کے اندر یا پھر اس کے پیچھے پارک ہوں گی ۔ ماتا سندری روڈ ، پاور ہاؤس روڈ ، راجگھاٹ پارکنگ ، شانت ون پارکنگ ، راجگھاٹ اور سمتا ستھل کے پاس بسوں کی پارکنگ ہوگی ۔ میڈیا کی او بی وین کو رام لیلا میدان کے دوسری سائیڈ پارک کیا جا سکتا ہے ۔ 

https://twitter.com/dtptraffic/status/1208552795307040768
ہاف میراتھن پر یہ راستے رہیں گے بند
ٹریفک پولیس کے مطابق اتوار کی صبح جواہر لال نہرو سٹیڈیم سے بارن ٹو رن  ہاف میراتھن نکلے گی ۔ یہ جنوبی اور نئی دہلی کے کچھ اہم راستوں سے گزریں گے ۔ اس دوران کچھ راستوں کو ٹریفک کیلئے بند کیلئے بند کیا جائے گا ۔ ٹریفک پولیس نے لوگوں کو سبرامنیم بھارتی مارگ ، لالہ لاجپت رائے مارگ ، اروندو مارگ ، لودھی روڈ مہرشی رمن مارگ سے بچ کر نکلنے کی صلاح دی ہے ۔ اس دوران آس - پاس کے راستوں سے ٹریفک کو دوسرے راستوں پر منتقل کیا جائے گا یا بیرکیڈ لگا کر روکا جائے گا ۔ 

ان مقامات پر کمرشیل وہیکل / بسوں کے جانے پر رہے گی پابندی
راجگھاٹ چوک  اور دہلی گیٹ چوک سے گورو نانک چوک وایا جواہر لال نہرو مارگ 
بارا کھمبا ٹاسٹائے سے رنجیت سنگھ فلائی اوور
چھٹا ریل دہلی  گیٹ چوک وایا نیتا مارگ
پہاڑ گنج چوک سے اجمیری گیٹ وایا ڈی بی جی روڈ
رام چرن اگروال سے دہلی گیٹ وایا بی ایس جے مارگ
ڈی ڈی یو منٹو روڈ ، کملا مارکیٹ وایا وویکانند مارگ