سپورٹس ڈیسک: پاکستان کے سابق ٹیسٹ کپتان اور کمنٹیٹر راجا نے منگل کو دعویٰ کیا کہ انگلینڈ کے  ایکلس  ہیلز میں پاکستان سپر لیگ(پی ایس ایل)کے درمیان سے وطن واپس آنے سے پہلے شاید مہلک کووڈ- 19 کی علامات دیکھی  گئی تھیں۔ راجا نے  لاہور میں صحافیوں سے بات کرتے ہوئے یہ بات کہی۔

پی ایس ایل کو اس وبا کی وجہ سے سیمی فائنل سے پہلے ہی ملتوی کر دیا گیا ہے ۔ ہیلز لیگ میں کراچی کنگز کی جانب سے کھیل رہے تھے۔ وہ پاکستان میں وائرس کے پھیلنے کی وجہ سے  انگلینڈ کے دوسرے کھلاڑیوں کے ساتھ پہلے ہی وطن واپس لوٹ گئے تھے۔  راجا نے  کہا، 'مجھے جیسا پتہ چلا ہے کہ اس کا اب ٹیسٹ ہونا ہے لیکن میں نہیں جانتا کہ اس میں  کورونا کی علامات ہیں یا نہیں، لیکن ہم سب جانتے ہیں کہ ہمیں انتہائی محتاط ہونا پڑے گا اور اس مسئلے سے نمٹنے کے لئے عام طور طریقے اپنائیں'۔

پاکستان کرکٹ بورڈ کے سی ای او وسیم خان نے بھی کہا کہ لیگ میں حصہ لینے والے ایک غیر ملکی کھلاڑی کو  کورونا  وائرس کا مشتبہ پایا گیا تھا۔ خان نے کھلاڑی کے نام کا انکشاف نہیں کیا کہ اور  کہا کہ پتہ نہیں کہ  وہ اب پاکستان میں ہے یا نہیں ۔

 واضح رہے کہ خبروں کی مانیں تو ہیلز دو دن پہلے ہی پی ایس ایل لیگ کو چھوڑ کر لندن روانہ ہو چکے ہیں، جہاں انہیں آئسولیشن( تنہائی) میں رکھا گیا ہے۔ پی ایس ایل کا ناک آؤٹ  مرحلہ شروع ہو گیا تھا جس میں سیمی فائنل میچ منگل کو لاہور میں کھیلے جانے تھے۔ پی سی بی نے سرکاری ہینڈل سے ٹویٹ کیا، 'ایچ بی ایل پی ایس ایل 2020 ملتوی،بعد میں کھیلی جائے گی۔ آنے والے وقت میں تفصیل سے جانکاری دی جائے گی۔