نیشنل ڈیسک: کورونا وائرس کو دیکھتے ہوئے ہندوستان نے چین سے اپنے 600 سے زیادہ شہریوں کو وہاں سے نکالا ہے۔ وہیں اسی درمیان آندھرا پردیش کے کرنول ضلع کی رہنے والی ایک لڑکی چین میں پھنسی ہوئی ہے۔ اس  لڑکی کی  اسی  مہینے شادی ہونے والی ہے۔ اس نے مدد کے لئے ایک ویڈیو جاری کیا ہے، جو کہ انٹرنیٹ پر وائرل ہو رہا ہے۔ 

https://twitter.com/xpressandhra/status/1223882732003966978?ref_src=twsrc%5Etfw%7Ctwcamp%5Etweetembed%7Ctwterm%5E1223882732003966978&ref_url=https%3A%2F%2Fwww.punjabkesari.in%2Fnational%2Fnews%2Fcorona-virus-andhra-woman-trapped-in-china-sought-help-by-releasing-video-1119874
دراصل حال ہی میں بھارتی شہریوں کو لینے گئے ایئر انڈیا کے طیارے میں اس لڑکی نے بھی آنا تھا لیکن تیز بخار کے سبب اسے لایا نہیں جا سکا۔ ویسے بھی چین حکومت نے پہلے ہی طے کر دیا تھا کہ کون سے شہری بھارت واپس لوٹیں گے۔وہیں لڑکی نے ویڈیو جاری کر کہا کہ جو ہوائی جہاز 324 ہندوستانیوں کو چین سے لانے کے لئے وہاں گیا تھا، اس میں سوار ڈاکٹروں کی ٹیم نے کہا کہ آپ کو اگلی پرواز میں لے جایا جائے گا لیکن اسے اگلی پرواز میں بھی نہیں لایا گیا۔لڑکی نے مرکزی حکومت سے اس کی چین کے ووہان سے گھر واپس آنے میں مدد کرنے کی اپیل کی ہے۔ ساتھ ہی لڑکی نے کہا کہ وہ سارے طبی ٹیسٹ کرانے کے لئے تیار ہے۔ لڑکی نے ویڈیو میں دعویٰ کیا کہ مجھے اور میرے ساتھی کو کال آیا کہ آپ اگلی  پرواز میں بھی سوار نہیں ہو سکتے کیونکہ آپ کو بخار ہے۔
لڑکی نے کہا کہ چین انتظامیہ نے ابھی تک ہمیں وائرس ہونے اور نہ ہونے کی تصدیق نہیں کی ہے ، لیکن ہم لوگ یہ ثابت کرنے کے لئے تیار ہیں کہ ہم صحت مند ہیں۔وہیں بھارت کے کیرل میں بھی اب تک دو لوگوں کو وائرل ہونے کی تصدیق ہو چکی ہے۔ یہ دونوں طالب علم گزشتہ دنوں چین سے واپس آئے تھے اور دونوں ایک دوسرے کے رابطے میں تھے ۔
بتا دیں کہ چین میں اس جان لیوا وائرس سے اب تک 361 افراد ہلاک ہو چکے ہیں اور 17 ہزار سے زیادہ لوگ اس سے متاثر ہیں۔