رائے پور:  لوک سبھا انتخابات کے درمیان کانگریس کی قومی ترجمان رادھیکا کھیڑا نے اتوار کو پارٹی کی پرائمری رکنیت سے استعفیٰ دے دیا محترمہ کھیڑا نے سوشل میڈیا پلیٹ فارم ایکس پر اپنے استعفیٰ کی اطلاع دی-  انہوں نے کہا کہ آج انتہائی درد کے ساتھ میں پارٹی کی بنیادی رکنیت سے استعفیٰ دے رہی ہوں اور اپنے عہدے سے استعفیٰ دے رہی ہوں۔ ہاں، میں ایک لڑکی ہوں اور لڑ سکتی ہوں، اور اب میں یہی کر رہی ہوں۔ میں اپنے اور اپنے ہم وطنوں کے لیے انصاف کے لیے لڑتی رہوں گی۔
انہوں نے اس سلسلے میں پارٹی صدر ملک ارجن کھڑگے کو خط بھی لکھا۔ انہوں نے خط میں کہا کہ جس پارٹی کو میں نے اپنی زندگی کے 22 سال سے زیادہ وقت دیا، جہاں میں نے پوری ایمانداری کے ساتھ این ایس یو آئی سے لے کر اے آئی سی سی کے میڈیا ڈیپارٹمنٹ تک کام کیا، آج مجھے اتنی شدید مخالفت کا سامنا کرنا پڑ رہا ہے کیونکہ میں اجودھیا میں رام للا کے درشن کرنے سے خود کو روک نہیں سکی۔  قدیم زمانے سے یہ ایک قائم شدہ سچائی ہے کہ مذہب کا ساتھ دینے والوں کی مخالفت ہوتی رہی ہے۔ ہیرانیاکشیپو سے لے کر راون اور کنس تک اس کی مثالیں ہیں۔  بھگوان شری رام کا نام والوں کی  کچھ لوگ اسی طرح مخالفت کررہے ہیں۔
انہوں نے کہا کہ میرے نیک مقصد کی مخالفت اس حد تک پہنچ گئی کہ چھتیس گڑھ پردیش کانگریس کے دفتر میں میرے ساتھ پیش آنے والے واقعے میں مجھے انصاف دینے سے انکار کر دیا گیا۔ میں نے ہمیشہ ہر پلیٹ فارم سے دوسروں کے لیے انصاف کی جنگ لڑی ہے لیکن جب خود کے لئے انصاف کی بات آئی تو میں نے خود کو پارٹی میں شکست خوردہ پایا۔ بھگوان شری رام کا بھکت اور ایک عورت ہونے کے ناطے مجھے بہت تکلیف ہوئی ہے۔ جب پارٹی کے تمام اعلیٰ رہنماؤں کو بار بار بتانے کے بعد بھی مجھے انصاف نہیں ملا تو میں نے یہ قدم اٹھایا ہے اور پارٹی کی پرایمری رکنیت سے استعفیٰ دے رہی ہوں۔
قابل ذکر ہے کہ محترمہ کھیڑا اور ریاستی ترجمان سشیل آنند شکلا کے درمیان تنازعہ تھمنے کے نام نہیں لے  رہا تھا۔ انہوں نے چھتیس گڑھ پارٹی یونٹ پر ان کی توہین کا الزام لگانے کے بعد آج پارٹی کی بنیادی رکنیت سے استعفیٰ دے دیا، ریاستی کانگریس کے کمیونیکیشن سربراہ سشیل آنند شکلا اور محترمہ کھیڑا کے درمیان کچھ مسائل پر گرما گرم بحث ہوئی تھی۔ بتایا جا رہا ہے کہ تنازعہ بڑھتے ہی محترمہ کھیڑا روتے ہوئے راجیو بھون سے باہر آئیں اور سوشل میڈیا پلیٹ فارم ایکس پر اپنا دکھ ظاہر کیا۔