بیجنگ:چین میں مہلک وائرس سے 22مزید افراد کی موت کے ساتھ ہلاک شدگان کی تعداد 31,19پر پہنچ گئی ہے ۔جنور ی کے بعد سے کسی ایک دن میں ہوئی یہ سب سے کم اموات ہیں۔وہی انفیکشن کے نئے معاملوں میں بھی کمی دیکھنے کو ملی ہے اور اتوار کو ایسے صرف 40معاملے درج کئے گئے ۔ وائرس کے معاملوں میں مسلسل دیکھی جا رہی گراوٹ کے بعد افسروں نے وائرس سے سب سے زیادہ متاثرہ  ووہان میں 11عارضی ہسپتالوں کو بند کر دیا ۔قومی صحت کمیشن (این ایچ سی) نے سوموار کو بتایا کہ ملک بھر میں 40نئے معاملے سامنے آئے ہیںاور اتوار کو 22افراد کی موت ہو گئی ۔ اتوار تک انگیکشن کے معاملوں کی تعداد 80,735پر پہنچ گئی جن میں ،31,19مردہ ،علاج کرا رہے 19,016مریض اور صحت میں سدھار کے بعد ہسپتال سے چھٹی حاصل کرنے والے 58,600افراد شامل ہیں۔

آیووا میں 3افراد متاثر 
ایووا صوبے میں کورونا وائرس انفیکشن کے تین معاملوں کی تصدیق ہوئی ہے ۔ گورنر کم رینولڈس نے بتایاکہ تینوں متاثرین افراد نے ایووا کے جانسن کائونٹی واقع اپنے گھر واپس لوٹنے سے پہلے مرتی میں ایک جہازسے سفر کیا تھا۔تینوں متاثرین کو گھر میں ہی الگ رکھا گیا ہے۔کمیشن کے صحت افسران نے  بتایا کہ ایک متاثرہ سخص کی عمر 41-60سال کے درمیان جبکہ دو دوسرے 61-80عمر کے ہیں۔ سبھی متاثرین نے 17فروری سے دو مارچ تک کروز پر یاترا کی تھی اور وہ تین مارچ کو گھر لوٹے  تھے۔

کیلیفورنیا متاثرہ افراد کے ساتھ آئے جہاز کو کھڑا کرنے کے لئے تیار
امریکہ میں کورونا وائرس   کے انفیکشن سے مرنے والوں کی تعداد  کم سے کم 21پہنچنے کے درمیان  کیلیفورنیا کے گورنر گوون نیسم اور آکلینڈ کے میئر نے اتوار کو لوگوں کو دوبارہ بھروسہ دلایا  کہ 14دن کی الگ مدت  پوری کئے بغیر گرینڈ پرنسیس کو عوام کے درمیان جانے کی اجازت نہیں دی  جائے گی۔ گرینڈ پرنسیس جہاز پر 54ممالک کے 3500سے زیادہ مسافر سوار ہیں اور اس جہاز کو سوموار کو مشرقی سین فرانسسکو خلیج  کے آکلینڈ میں بندرگاہ پر کھڑا کئے جانے کا امکان ہے۔اتوار کو ہی جہاز کو روکنے کے لئے افسران نے بندر گاہ پر سائٹ تیارکی تھی ۔میئر لیبل سکاف نے کہا کہ یہ ایک ایسا وقت ہے جب ہمیں حقیقت  کی رہنمائی کرنی چاہئے نہ کہ ڈر سے ہماری عوام  یہ  جاننے کی حقدار ہے کہ کیا ہو رہا ہے ۔ اتوار کو امریکی انتظامیہ نے ایڈوائزری جارکرتے ہوئے کہا تھا کہ عوام کروز جہاز پر سفر کرنے سے بچیں۔

پاکستان میں مزید 1معاملہ سامنے آیا
پاکستان میں کورونا وائرس  کا ایک مزید معاملہ سامنے آنے کے بعد اس سے متاثر افراد کی تعداد بڑھ کر 7ہو گئی ہے۔نیا معاملہ اتوار کو کراچی سے سامنے آیا ،جہاں 50سالہ شخص اس سے متاثر پایا گیا ہے۔
کولمبیا یونیورسٹی  اور نیویارک کے سکولوں نے جماعتیں معطل کیں
کورونا وائرس کے انفیکشن  کی تعداد 100پار کرنے کے درمیان نیویارک میں سکولوں اور کالجوں کی جماعتیں معطل  کر دی گئی ہیں۔ وائرس کے بڑھتے قہر کی وجہ سے ایمر جینسی کا اعلا ن کیا گیا ہے۔ 
فلپائن میں کووڈ 19کے چار نئے معاملوں کی تصدیق 
فلپائن نے سوموار کو کورونا وائرس سے متاثرہ چار نئے معاملوں کی تصدیق کی ہے، اس کے ساتھ ہی کووڈ19سے متاثرہ معاملوں کی تعداد 10ہو گئی ہے۔یہ جانکاری محکمہ صحت نے دی ہے۔