بیجنگ: چین نے منگل کو کہا کہ بنگلہ دیش کی معزول وزیراعظم شیخ حسینہ کو سنائی گئی موت کی سزا ڈھاکہ کااندرونی معاملہ ہے۔ چین نے اس واقعہ پر آگے کسی تبصرے سے انکار کر دیا۔ بنگلہ دیش کے انٹرنیشنل کرائمز ٹربیونل۔بنگلہ دیش (آئی سی ٹی) نے بنگلہ دیش کی معزول وزیراعظم شیخ حسینہ اور ان کے ساتھی، سابق وزیر داخلہ اسدالزماں خان کمال کو گزشتہ سال کے طالب علم بغاوت کے دوران انسانیت کے خلاف جرائم کے لیے پیر کو ان کی غیر حاضری میں موت کی سزا سنائی تھی۔
چین کی وزارت خارجہ کی ترجمان ماو ننگ نے یہاں ایک پریس کانفرنس میں فیصلے کے بارے میں پوچھے جانے پر کہا،یہ بنگلہ دیش کا اندرونی معاملہ ہے۔ ماو نے کہا کہ چین بنگلہ دیش کے تمام لوگوں کے ساتھ اچھے پڑوسی اور دوستانہ پالیسی پر کاربند ہے۔ انہوں نے کہا، ہمیں پوری امید ہے کہ بنگلہ دیش اتحاد، استحکام اور ترقی حاصل کرے گا۔ حسینہ گزشتہ سال 5 اگست کو بڑے پیمانے پر احتجاج کے بعد بنگلہ دیش چھوڑ کر بھارت میں رہ رہی ہیں۔