انٹرنیشنل ڈیسک: پاکستان کے صوبہ پنجاب میں ایک سڑک حادثے میں تین پولیس اہلکار ہلاک ہو گئے، ایک اہلکار نے منگل کو بتایا۔ یہ حادثہ لاہور سے تقریبا 400 کلومیٹر دور بہاولپور میں پیر کی رات گئے پیش آیا۔ ترجمان موٹروے پولیس کے مطابق ملتان - سکھر موٹروے پر تیزرفتاری کے باعث بس ڈرائیور نے کنٹرول کھو دیا اور بس پولیس کی گشتی گاڑی سے ٹکرا گئی جس کے نتیجے میں تینوں اہلکار موقع پر ہی جاں بحق ہوگئے۔
انہوں نے بتایا کہ بس ڈرائیور کو گرفتار کر لیا گیا ہے اور اس بات کا تعین کرنے کے لیے تفتیش جاری ہے کہ آیا ڈرائیور شراب کے نشے میں تھا۔ وفاقی وزیر مواصلات علیم خان نے حادثے میں جاں بحق ہونے والے اہلکاروں کی نماز جنازہ میں شرکت کی۔ انہوں نے حادثے کی مکمل تحقیقات کا بھی حکم دیا۔ وزیراعلیٰ پنجاب مریم نواز نے پولیس اہلکاروں کے جاں بحق ہونے پر دکھ کا اظہار کرتے ہوئے جاں بحق افراد کے لواحقین سے اظہار تعزیت کیا۔