بیجنگ: تائیوان کے نئے صدر کے اقتدار سنبھالنے سے دو ہفتے سے بھی کم عرصہ قبل آبنائے تائیوان سے امریکی بحری جہاز کے گزرنے پر چین کی فوج نے امریکہ پر تنقید کی ہے۔ دریں اثناء واشنگٹن اور بیجنگ باقاعدہ فوجی تبادلے دوبارہ شروع کرنے کی کوشش کر رہے ہیں۔

بحریہ کے سینئر کیپٹن اور ایسٹرن تھیٹر کمانڈ کے ترجمان لی ڑی نے بدھ کو آبنائے تائیوان سے امریکی جنگی جہاز یو ایس ایس ہالسی کے گزرنے پر تنقید کی اور الزام لگایا کہ امریکہ اسے بڑھا چڑھا کر پیش کر رہا ہے۔
 
لی نے ایک بیان میں کہا کہ کمانڈ نے جہاز کی نقل و حرکت پر نظر رکھنے کے لیے بحریہ اور فضائیہ کو تعینات کیا تھا۔ اس سے قبل 17 اپریل کو بھی ایک جہاز اس طرح سے گزرا تھا۔ اس واقعے سے ایک روز قبل امریکہ اور چین کے آرمی چیفس نے علاقائی کشیدگی کم کرنے کے لیے بات چیت کی تھی۔ اس سے قبل اس طرح کی بات چیت نومبر 2022 میں ہوئی تھی۔