نئی دہلی :چین میں کورونا وائرس سے سنیچر وار 28اور افراد کی موت ہو گئی جس سے اس انفیکشن سے مرنے والے افراد کی تعداد بڑھ کر 3,070پہنچ گئی ہے۔ دنیا بھر میں کورونا وائرس سے 100,000افراد اس وائرس سے متاثر ہیں ۔ وہی اسی درمیان مرکزی وزارت صحت نے نئی ایڈوائزری جاری کر بھیڑ بھاڑ والے علاقے یا عوامی اجلاسوں سے لوگوں کو دور رہنے کی درخواست کی ہے۔
وزارت صحت کی جانب سے جاری اس ایڈوائزری میں کہا گیا ہے کہ لوگوں کو بھیڑ والے علاقوں یا عوامی اجلاسوں سے دور رہنا چاہئے ۔ایسے میں درخواست کی جاتی ہے کہ زیادہ سے زیادہ کوشش کی جائے کہ کسی طرح کا ایسا پروگرام نہ ہو ، جہاں زیادہ لوگ اکٹھے ہوں ۔اس سے کورونا وائرس پھیلنے کا خطرہ ہے ۔ اگر کسی ضروری کام کے لئے لوگوں کو ایک جگہ اکٹھا کیا جاتا ہے ،تو پھر آرگنائزروں ، مقامی انتظامیہ کی طرف سے وہاں لوگوںکی جانچ ، سینیٹیشن کا دھیان رکھنا ضروری ہے۔
وائرس نے 97ممالک کو اپنی لپیٹ میں لے لیا
گزشتہ سال دسمبر میں چین سے پھیل کر شروع ہوئے وائرس نے 97ممالک کو اپنی لپیٹ میں لے لیا ہے۔ 102,80افراد اس سے متاثر پائے گئے ہیں ، جن میں سے 80,651معاملے چین میں سامنے آئے ہیں۔ چین کے قومی صحت کمیشن نے سنیچروار کو کہاکہ ملک میں جمعہ کو اس وائرس کے انفیکشن کے 99معاملے سامنے آئے ہیں اور 28افراد کی موت ہو گئی ہے ۔ کمیشن نے بتایا کہ 28افراد کی موت وائرس کے مرکز ہیبئی صوبے اور اس کی دارالخکومت ووہان سے باہر درج کی گئی ہے۔