نئی دہلی : ہندوستان بچاؤ ریلی میں کانگرس لیڈر راہل گاندھی نے مودی حکومت پر حملہ کرتے ہوئے کہا کہ ملک کے لئے اپنی جان دینے سے نہیں ڈرتا ۔ ان لوگوں نے مجھے کہا  کہ معافی مانگیں ۔ معافی نہیں مانگوں گا ۔ میرا نام راہل ساورکر نہیں ہے ۔ میرا نام راہل گاندھی ہے ۔ میں مر جاؤں گا لیکن معافی نہیں مانگوں گا ۔ معافی نریندر مودی کو مانگنی چاہئے ۔ مودی کو ملک سے معافی ماگنی ۔ 

راہل نے کہا کہ ہندوستان کے کسان کے بغٰر معیشت آگے جا ہی نہیں سکتی ۔ ہم نے منریگا کیوں دیا اس لئے کیونکہ ہمیں پتہ تھا کہ ہندوستان کے مزدور کے بغیر ملک کی معیشت آگے جارہی نہیں سکتی ۔ آپ کو یاد ہوگا ایک دن وہ 8 بجے رات کو ٹی وی پر آئے اور بولا بھائیوں اور بہنوں 500 اور 1000 کا نوٹ میں بند کرنے جارہا ہوں ۔ اس سے معیشت کو جو چوٹ پہنچی وہ آج تک ٹھیک نہیں ہوئی ۔ 

اس سے پہلے کانگرس جنرل سیکرٹری پرینکا گاندھی نے بھی نو منظور شہریت قانون کو لے کر سنیچر کے روز نریندر مودی حکومت پر حملہ بولتے ہوئے اپیل کی کہ آئین کو بچانے اور ملک کو بنٹوارے سے بچانے کیلئے  سبھی آواز اٹھائیں ۔