نوئیڈا : اترپردیش کے ہائی ٹیک شہر نوئیڈا میں ایک چونکا دینے والا واقعہ سامنے آیا ہے۔ جہاں ایک کیب ڈرائیور نے پولیس سے بچنے کی کوشش میں گاڑی اتنی تیزی سے چلائی کہ اس میں بیٹھے گھر والے خوف سے چیخنے لگے۔ اس واقعے کی ویڈیو سوشل میڈیا پر تیزی سے وائرل ہو رہی ہے، جس میں ایک لڑکی کے رونے اور خوفزدہ ہونے کی آواز بھی صاف سنائی دے رہی ہے۔
کیا ہے سارا معاملہ؟
متاثرہ سنجے موہن نوئیڈا کے گریٹر نوئیڈا ویسٹ میں اجنارا ہومز سوسائٹی میں رہتے ہیں۔ وہ اپنی بیوی اور چھوٹی بیٹی کے ساتھ ایک ٹیکسی میں دہلی کے کناٹ پلیس جانے کے لیے نکلے تھے۔ جیسے ہی ٹیکسی پرتھلا پل کے قریب پہنچی، ڈرائیور نے کار کو بہت تیز چلانا شروع کر دیا۔
ٹیکسی نہیں رکی، کار حادثے کا شکار ہوگئی
سنجے موہن کا کہنا ہے کہ انہوں نے کئی بار ڈرائیور کو گاڑی کی رفتار کم کرنے کے لیے کہا لیکن ڈرائیور نے کسی کی ایک نہ سنی اور لاپرواہی سے گاڑی چلاتا رہا۔ اس دوران کیب ایک دوسری کار سے ٹکرا گئی، جس میں سنجے اور ان کی بیوی کو معمولی چوٹیں آئیں۔ اس کی بیٹی تو بچ گئی لیکن وہ اس واقعے سے بہت ڈر گئی اور رونے لگی۔

https://player.kesari.tv/share/37JSxqovjF2DhwOc
 پولیس سے بچنے کے لیے بھاگ رہا تھاڈرائیور
جانکاری کے مطابق جب کیب ڈرائیور نے پولیس کو راستے میں چیکنگ کرتے دیکھا تو اس نے کار کو تیز کر دیا۔ اس کے پاس ضروری کاغذات نہیں تھے اس لیے وہ پولیس سے بچنے کے لیے بھاگنے لگا۔
ڈرائیور گرفتار، گاڑی ضبط
تاہم اب پولیس نے اس معاملے میں کارروائی کرتے ہوئے ڈرائیور کو گرفتار کرلیا ہے۔ پولیس نے بتایا کہ کار کو ضبط کر لیا گیا ہے اور ڈرائیور پر 29,250 روپے کا جرمانہ بھی عائد کیا گیا ہے۔
ویڈیو وائرل، لوگوں کا پھوٹا عصہ 
اس واقعے کی ویڈیو اب سوشل میڈیا پر وائرل ہو گئی ہے۔ لوگ کیب ڈرائیور کی لاپرواہی پر برہمی کا اظہار کر رہے ہیں اور خاندان کی حفاظت پر سوال اٹھا رہے ہیں۔ تاہم اب تک متاثرہ خاندان نے کوئی باضابطہ شکایت درج نہیں کرائی ہے۔