ڈھاکہ: بنگلہ دیش نیشنل ازم پارٹی (بی این پی) کے قائم مقام صدر طارق رحمان نے ہفتہ کے روز بنگلہ دیش کی ووٹر لسٹ میں اپنا نام درج کرنے اور قومی شناختی کارڈ (این آئی ڈی) حاصل کرنے کی رسمی کارروائیاں مکمل کر لیں۔ بنگلہ دیش کے سابق صدر ضیاء الرحمن اور بنگلہ دیش کی پہلی خاتون وزیر اعظم خالیدہ ضیا کے سب سے بڑے بیٹے رحمان دو دن پہلے لندن میں 17 سال سے زائد کے خود ساختہ جلاوطنی کے بعد وطن واپس آئے ہیں۔ خبری ویب پورٹل ‘ٹی بی ایس نیوز ڈاٹ نیٹ’ کی خبر کے مطابق، بنگلہ دیش نیشنل ازم پارٹی (بی این پی) کے 60 سالہ رہنما سخت سیکیورٹی کے درمیان ڈھاکہ میں واقع انتخابی کمیشن کے دفتر گئے، جہاں انہوں نے بایومیٹرک رجسٹریشن کروائی۔
عہدیداروں نے بتایا کہ رحمان نے اس سے قبل اپنا ووٹر رجسٹریشن کا درخواست فارم آن لائن جمع کروا دیا تھا۔ انتخابی کمیشن کی قومی شناختی رجسٹریشن شاخ کے ڈائریکٹر جنرل اے ایس ایم ہمایوں کبیر نے صحافیوں کو بتایاطارق رحمان نے آن لائن فارم بھر دیا ہے اور وہ بایومیٹرک رجسٹریشن مکمل کرنے آئے ہیں۔ عہدیدار نے بتایا کہ رحمان کو 24 گھنٹوں کے اندر این آئی ڈی کارڈ ملنے کی توقع ہے۔ انہوں نے بتایا کہ رحمان کی بیٹی جما نے بھی این آئی ڈی کارڈ کے لیے رجسٹریشن کی رسمی کارروائیاں مکمل کر لیں۔