انٹر نیشنل ڈیسک: بنگلہ دیش کے دارالحکومت کے قریب گیس لائٹر بنانے والی ایک فیکٹری میں ہفتہ کے دن آگ لگنے کے باعث کم از کم پانچ افراد کی موت ہو گئی۔ حکام نے یہ جانکاری دی۔ فائر سروس اور شہری تحفظ کے مطابق یہ آگ ڈھاکہ کے قریب کیرانی گنج کے قدم تلی علاقے میں لگی۔
فائر بریگیڈ نے بتایا کہ دوپہر کے وقت لگنے والی اس آگ کو بجھانے کے لیے فائر بریگیڈ کی سات گاڑیوں کو تعینات کیا گیا تھا اور آگ پر قابو پانے میں کئی گھنٹے لگ گئے۔ فائر بریگیڈ اہلکاروں نے شام تک پانچ لاشیں برآمد کیں لیکن ان کی فوری طور پر شناخت نہیں ہو سکی۔ آگ لگنے کی وجہ جاننے کے لیے جانچ کی جا رہی ہے۔