نئی دہلی : پیرا لمپک سلور میڈل  فاتح دیپا ملک راجیو گاندھی کھیل رتن اعزاز حاصل کرنے والی پہلی ہندوستانی پیرا ایتھلیٹ  اور سب سے عمر دراز کھلاڑی بن گئی ہیں لیکن اسی اعزاز کو حاصل کرنے والے پہلوان بجرنگ پونیا ٹریننگ  کے چلتے یہاں راشٹرپتی بھون میں منعقد تقریب میں شرکت نہیں کرپائے ۔ 
دیپا نے 2016 ریو اولمپک میں گولا پھینک ایف 53 میں سلور میڈل جیتا تھا ۔ انہیں ایشیائی راشٹر منڈل کھیلوں کے چیمپیئن پونیا کے ساتھ مشترکہ فاتح اعلان کی اگیا تھا جو قضاخستان میں ہونے والی آئندہ چیمپیئن شپ کی تیاریوں میں مصروف ہیں ۔ اس طرح دیپا اس اعزاز کو حاصل کرنے والی دوسری پیرا ایتھلیٹ بن گئی ہیں ۔ کیونکہ پیرا لمپک کے ڈبل گولڈ میڈل جیتنے والے بھالا پھینک ایتھلیٹ دیویندر جھجھاریا کو 2017 میں اس سے سر فراز کیا گیا تھا ۔ وہ 49 سال کی عمر میں اس اعزاز کو حاصل کرنے والی سب سے عمر دراز ایتھلیٹ بن گئی ہیں ۔ 

ورلڈ بیڈمنٹن چیمپیئن شپ میں تانبے کا میڈل حاصل کرنے والے بی سائی پرنیت ، خاتون کرکٹ پونم یادو ، ایشیائی کھیلوں کی گولڈ میڈل فاتح ہیپٹا تھلیٹ سوپنا برمن ، فٹبالر گورپریت سنگھ سندھو ، دو بار کی سلور میڈل فاتح مکے باز سونیا لاٹھیر، ایشیائی کھیلوں کے سلور فاتح کھڑسوار فواد مرزا ، موٹر سپورٹس کے دگج کھلاڑی گورو گل اور کبڈٰ ٹیم کے نائب کپتان اجے ٹھاکر ان 19 کھلاڑیوں میں شامل تھے جنہوں نے یہاں صدر رامناتھ کووند سے ارجن ایوارڈ حاصل کیا ۔ دیپا چوتھی بار خوش قسمت رہیں کیونکہ گذشتہ تین سال ان کے نام کی ان دیکھی کی گئی جس پر انہوں نے سوال اٹھائے اور فیصلے کی تنقید کی ۔ 

ان کے علاوہ کرکٹ ررویندر جڈیجہ ، ایشیائی کھیلوں کے گولڈ میڈل فاتح گولا پھینک ایتھلیٹ تیجندر پال سنگھ تور اور 400 میٹر میں سلور میڈل فاتح محمد انس  تقریب میں شرکت نہیں کر سکے ۔ جڈیجہ اس وقت بھارتیہ ٹیسٹ ٹیم  کے ساتھ ویسٹ انڈیز میں ہیں جبکہ تور اور انس اس وقت لکھنؤ میں چل رہے ایتھلیٹکس مقابلوں میں حصہ لے رہے ہیں ۔ قومی کھیل اعزاز ہر سال 29 اگست کو ہاکی کے عظیم کھلاڑی میجر دھیان چند کی جینتی پر دئیے جاتے ہیں ۔