آل انڈیا مجلس اتحادالمسلمین (اے آئی ایم آئی ایم)کے صدر اور حیدرآباد سے رکن پارلیمنٹ اسد الدین اویسی نے یورپین  اراکین پارلیمنٹ کے کشمیر دورے پر طنز کسا ہے۔اویسی نے طنز کستے ہوئے کہا کہ یورپی اراکین پارلیمنٹ  جو اسلام فوبیا کے شکار ہیں انہوں نے درست انتخاب کیا ہے، ایسے لوگ مسلم اکثریتی وادی جا رہے ہیں۔

اویسی نے ٹیم میں شامل اراکین  پارلیمنٹ کو' نازی  لور' بھی بتایا ہے۔اویسی نے مرکزی حکومت پر طنز کستے ہوئے مشہور گانے کا ذکر کیا ہے۔اویسی نے ٹویٹ کیا ہے کہ 'غیروں پر کرم اپنوں پر ستم، اے جانِ  وفا یہ ظلم نہ کر،رہنے دے اب تھوڑا سا دھرم۔

دراصل یہ طنز اویسی نے اپوزیشن کے لیڈروں کو جموں و کشمیر کے دورے پر جانے سے روکنے پر کسا ہے۔ مرکزی حکومت نے اپوزیشن کے لیڈروں کو وادی کا دورہ کرنے سے روکا تھا اور ہوائی اڈے سے واپس بھیج دیا تھا ۔