نئی دہلی: بری فوج کے سربراہ جنرل منوج مکند نروانے نے ہفتہ  کو سال 2020 کی پہلی پریس کانفرنس میں جموں کشمیر پر بڑا بیان دیا۔آرمی چیف نے صاف کیا کہ مکمل جموں اور کشمیر ہندوستان کا حصہ ہے ، پارلیمنٹ چاہے تو پاک مقبوضہ کشمیر(پی او کے )بھی ہمارا ہو سکتا ہے۔فوج کے سربراہ جنرل منوج مکند نروانے نے کہا اگر پارلیمنٹ سے حکم ملے تو پی او کے  پر کارروائی ممکن ہو سکتی ہے۔

پاکستان اور چین کے چیلنجوں کے سوال پر آرمی چیف نے کہا کہ کسی بھی صورت سے نمٹنے کے لئے ہم تیار ہیں۔ایل او سی پر پاکستان کی سازش پر آرمی چیف نے کہا کہ انٹیلی جنس ان پٹ اور فوج کی تیاری کے ذریعے ہم پاکستان کی سازشوں کو ناکام کرنے میں کامیاب ہو رہے ہیں۔

وہیں منوج مکند نروے نے سی ڈی ایس کے عہدے کی تشکیل کو تینوں فوجی فورسز کے انضمام کی سمت میں بہت بڑا قدم بتایا اور کہا کہ فوج اس کی کامیابی یقینی بنائے گی۔انہوں نے زور دے کر کہا کہ آئین کے  تئیں اخلاص ہر وقت ہماری  رہنمائی کرے گا۔انہوں نے کہا، آئین میں موجود انصاف، آزادی، مساوات اور بھائی چارے کا احساس ہماری رہنمائی کرتے رہیں گے ۔