علی گڑھ :شہریت ترمیمی قانون کی مخالفت کو لیکر ملک بھر  میں ماحول بگڑتا جا رہا ہے۔ ایسے میں اترپردیش کے علی گڑھ کا ماحول بھی کشیدہ ہوتا جا رہا ہے۔ یہاں اوپرکوٹ میں  مظاہرہ جاری ہے جبکہ شاہ جمال میں حالات بے قابو ہو رہے ہیں۔ جلوس میں سینکڑوں لوگ سڑکوں پر اتر آئے ہیں۔ بھیڑ مسلسل غصہ ہوتی جا رہی ہے۔
بتا دیں کہ سی اے اے کی مخالفت میں شاہ جمال عید گاہ کے سامنے  جاری  مظاہرے میں اتوار کو حالات اس وقت بے قابو ہو گئے، جب مظاہرہ کر رہے کچھ نوجوانوں نے ترکمان گیٹ پر قدیم نودرگا پتھواری مندر پر پتھرؤا کر دیا۔ کا مظاہرے کی جگہ پر یہاں تقریبا ً8 ہزار سے زائد خواتین اور مرد لوگ لگے ہوئے ہیں۔ خواتین، بچوں اور مردوں کی ٹولیاں مسلسل نعرے بازی کرتے ہوئے علاقے میں گھوم رہے ہیں۔اوپرکوٹ کوتوالی کے سامنے بھی دھرنا مظاہرہ  جاری ہے اور مسلسل حکومت مخالف نعرے بازی کی جا رہی ہے۔

یہاں پر پولیس و انتظامی افسروں کے سمجھانے پر بھی  بار بار تصادم کے حالات بن رہے ہیں۔ دیہلی گیٹ اور اوپرکوٹ تھانہ علاقہ کے مسلم علاقوں کے تمام بازار بند ہیں۔ قریب 12:30 بجے سبزی منڈی علاقے کے دکانداروں کو بھی دھرنا مظاہرے میں شامل ہونے کا اعلان کرتے ہوئے بازار بند کرا دیا گیا ہے۔ ویسے بائی پاس پر نادا پل کے قریب بھیم آرمی سے منسلک خواتین اور مردوں کے ایک گروپ نے جام لگا دیا ہے۔مسلم اکثریتی علاقے کی دکانیں مکمل طور پر بند ہیں۔
وہیں مظاہرہ کرنے  جا رہے نوجوانوں نے ترکمان گیٹ پر قدیم نودرگا پتھواری مندر پر پتھراؤ کیا۔ جس کے بعد سے یہاں پر ماحول بہت کشیدہ ہو گیا ہے۔ مسافروں میں بھاری غصہ دیکھتے ہوئے موقع پر بھاری مقدار میں پولیس فورس تعینات کی گئی ہے۔ پورے حالات پر نظر رکھتے ہوئے ضلع انتظامیہ کی جانب سے ہر ایک گھنٹے کی رپورٹ بھی حکومت کو بھیجی جا رہی ہے۔