نیشنل ڈیسک : پہلگام حملے کے بعد ہندوستان اور پاکستان کے درمیان جنگ جیسی صورتحال پیدا ہوگئی ہے۔ ہندوستان کی جوابی کارروائی سے پاکستان بری طرح بوکھلا گیا ہے اور گزشتہ چار دنوں سے ہندوستان کی چار سرحدی ریاستوں پر میزائل اور ڈرون حملے کر رہا ہے۔ اس سنگین صورتحال میں پورا ملک ہندوستانی فوج کی کارروائی پر نظر رکھے ہوئے ہے۔ ہر طرف حب الوطنی کا ماحول ہے اور بھارت ماتا کی جئے کے نعرے گونج رہے ہیں۔ دریں اثنا اجمیر شریف درگاہ کے سربراہ نے پاکستان کے حوالے سے سخت بیان دیا ہے۔
درگاہ کے سربراہ کا پاکستان پر حملہ
اجمیر شریف درگاہ کے سربراہ نے کہا ہے کہ پاکستان سرحد پار بے گناہ لوگوں کو مار رہا ہے۔ ہندوستان  نے صرف ان دہشت گردوں کو مارا جنہوں نے ہندوستانی  ماؤں بہنوں کی خوشیاں تباہ کیں۔ پاکستان کو کم از کم 5 حصوں میں تقسیم کرنا چاہئے ۔ انہیںان کے گھروں میں گھس کر مارنا چاہیے۔
درگاہ کے سربراہ نے پاکستان کی جانب سے حملوں کی شدید مذمت کرتے ہوئے کہا کہ یہ بزدلانہ کارروائی ہے۔ پاکستان دہشت گردوں کو پناہ دے رہا ہے اور ان کے ہی کہنے پر سرحد پار سے حملے کروا رہا ہے جس میں بے گناہ شہری مارے جا رہے ہیں۔ ہندوستان  نے جو بھی کارروائی کی ہے، وہ اپنے دفاع اور اپنے شہریوں کی حفاظت کے لیے کی ہے۔  ہندوستان  نے ان لوگوں کو نشانہ بنایا جو ملک میں دہشت گردی پھیلا رہے تھے اور جنہوں نے ہماری خواتین کو بیوہ بنایا۔ ہندوستان ایک امن پسند ملک ہے، لیکن اپنی خودمختاری اور شہریوں کے تحفظ کے لیے ہر ممکن اقدامات کرے گا۔
درگاہ کے سربراہ نے ملک کے لوگوں سے امن اور اتحاد برقرار رکھنے کی اپیل کی۔ انہوں نے کہا کہ یہ مشکل وقت ہے ہمیں متحد ہو کر ملک کا ساتھ دینا چاہیے۔ انہوں نے ہندوستانی فوج کے جوانوں کی ہمت اور قربانی کی تعریف کی اور اس اعتماد کا اظہار کیا کہ ہندوستان اس چیلنج کا حوصلے سے مقابلہ کرے گا۔