لندن: احمد آباد ہوائی اڈے سے ٹیک آف کے فورا بعد گر کر تباہ ہوئے  ایئر انڈیا کے لندن جانے والے 171 کی طیارے  میں سوار رشتہ داروں کے باقیات کا انتظار کر رہے  برطانوی خاندان کو ہندوستان -برطانیہ حکومت کی اعلی سطحی بات چیت کے بعد ڈی این اے میچ کی تصدیق  کی امید ہے ۔ یہ جانکاری  ان کی قانونی ٹیم نے دی ہے ۔ لیگل کنسلٹنسی  کیسٹون  لاء (Keystone Law) ، جو 12 جون کے حادثے میں اپنے پیاروں کو کھونے والے بہت سے خاندانوں کی مدد کے لیے ہوابازی کے ماہرین کے ساتھ مل کر کام کر رہی ہے، نے اس ہفتے  اس عمل کو تیز کرنے کا مطالبہ کیا۔ وزیر اعظم نریندر مودی کے گزشتہ ہفتے برطانیہ کے دورے کے دوران ڈاؤننگ سٹریٹ (برطانوی وزیر اعظم کی رہائش گاہ اور دفتر)نے تصدیق کی کہ وزیر اعظم کیئر سٹارمر نے دو طرفہ بات چیت کے دوران ایئر انڈیا کے طیارے کے حادثے پر تبادلہ خیال کیا تھا۔
یہ بحث برطانیہ کے میڈیا میں ان رپورٹس کے پس منظر میں ہوئی کہ برطانیہ بھیجی گئی کچھ لاشوں پر غلط لیبل لگا ہوا تھا۔ Keystone Law کے ایوی ایشن پارٹنر جیمز ہیلی پریٹ (  James Healy-Pratt  ) نے کہا کہ اس مسئلے کی بین الاقوامی میڈیا کوریج کے نتیجے میں، برطانیہ اور  ہندوستانی حکومتوں نے اعلی سطحی مذاکرات کیے ہیں۔ انہوں نے کہا کہ ایسا مانا جارہا ہے کہ کچھ ملتے جلتے کھاتے ڈی این اے باقیات  اب ہندوستان میں پائے گئے ہیں ۔ تصدیق کا انتظار ہے ۔ حادثے میں ہلاک ہونے والے 241 مسافروں اور عملے میں 52 برطانوی شہری شامل تھے اور آخری رسومات کے لیے برطانیہ بھیجے گئے 12 تابوتوں میں سے دو کی شناخت غلط پائی گئی۔
کیس کے پیمانے کا اندازہ لگانے کے لیے کیسٹون لاء  نے کہا کہ ہندوستان سے برطانیہ بھیجے گئے 12 تابوتوں میں سے دو کو "غلط لیبل لگا ہوا تھا ، غلط طریقے سے رکھا گیا تھا اور غلط پہچان کی گئی تھی ۔ ہیلی پریٹ نے کہا کہ  اگر اس غلطی  کو آگے بڑھا کر دیکھا جائے  یعنی - 15 فیصد کی ناقابل قبول غلطی کی شرح کو مدنظر رکھا جائے  تو یہ اشارہ ملتا ہے کہ تقریبا 40 لاشوں کی غلط شناخت، غلط  لیبلنگ یا ان کی دیکھ بھال  میں غلطی ہو سکتی ہے ۔ یہ ایک معلوم نامعلوم حقیقت ہے، اور ان میں سے بہت سے خاندان پہلے ہی اپنے پیاروں کی آخری رسومات کر چکے ہیں۔