بیجنگ: ایئر چائنا نے بیجنگ اور دہلی کے درمیان براہ راست پرواز سروس دوبارہ شروع کر دی ہے۔ اسے دونوں ملکوں کے درمیان تعلقات میں بہتری کی سمت ایک اہم قدم مانا جا رہا ہے۔ چین کے سفارت خانے نے کہا کہ یہ صرف سفر شروع ہونے تک محدود نہیں ہے بلکہ اس سے تجارت سیاحت اور باہمی اعتماد بھی بڑھے گا۔ ساتھ ہی شنگھائی تعاون تنظیم اور برکس جیسے پلیٹ فارموں پر تعاون کو بھی مضبوطی ملے گی۔
بھارت اور چین کے درمیان براہ راست پروازیں کورونا وبا اور2020 میں گلوان وادی جھڑپ کے بعد بند ہو گئی تھیں۔ اس کے بعد دونوں ملکوں کے تعلقات میں کشیدگی برقرار رہی۔ تاہم2026 میں سرحد پر گشت کے بارے میں معاہدے کے بعد حالات آہستہ آہستہ بہتر ہونے لگے۔ اس کے بعد2025 میں پروازوں کی بحالی شروع ہوئی جس میں انڈیگو نے بھی اپنی خدمات شروع کرنے کا اعلان کیا تھا۔ اب بیجنگ اور دہلی کے درمیان براہ راست پرواز دوبارہ شروع ہونے سے امید ہے کہ دونوں ملکوں کے درمیان لوگوں کا آنا جانا بڑھے گا اور اقتصادی اور سفارتی تعلقات میں بہتری آئے گی۔