لندن: برطانیہ نے بحرِ ہند میں ڈیاگو گارشیا جزیرے پر قائم برطانوی امریکی فضائی فوجی اڈے پر ایران کی فوج کی جانب سے میزائل داغے جانے کی مذمت کی ہے۔ برطانوی حکام نے ناکام حملے کی کوشش کی تفصیل نہیں دی ہے۔ یہ واضح نہیں ہے کہ میزائل فوجی اڈے کے کتنے قریب پہنچے جو ایران سے تقریباً ڈھائی ہزار میل یعنی چار ہزار کلومیٹر دور ہے۔ وزارت دفاع نے ہفتے کے روز کہا کہ ایران کی طرف سے پورے خطے میں پرتشدد حملے کرنا اور آبنائے ہرمز کو یرغمال بنائے رکھنا برطانوی مفادات اور برطانیہ کے اتحادیوں کے لیے خطرہ ہے۔
برطانیہ ایران پر امریکہ اور اسرائیل کے حملوں میں شامل نہیں ہوا ہے لیکن اس نے امریکی بمبار طیاروں کو ایران کے میزائل مقامات پر حملہ کرنے کے لیے برطانیہ کے اڈوں کے استعمال کی اجازت دی ہے۔ جمعہ کے روز برطانوی حکومت نے کہا کہ امریکی بمبار طیارے آبنائے ہرمز میں جہازوں پر ایران کے حملوں کو روکنے کی کارروائیوں میں ڈیاگو گارشیا سمیت برطانیہ کے اڈوں کو بھی استعمال کر سکتے ہیں۔ ایران نے برطانیہ کے اس بیان سے پہلے ہی متعلقہ فوجی اڈے کو نشانہ بنایا۔