مالے: مالدیپ کی حکومت نے کہا ہے کہ وہ مالدیپ میں تعینات88  ہندوستانی فوجیوں کی واپسی کے لیے حکومت ہند کے ساتھ طے پانے والے معاہدے کو عام نہیں کرے گی۔ یہ اطلاع بدھ کو ایک میڈیا رپورٹ میں دی گئی۔ مالدیپ میں تعینات تقریبا 25 ہندوستانی فوجیوں کا پہلا جتھہ ہندوستان واپس لوٹ آیا جو تحفے میں دیئے گئے ہیلی کاپٹر کو چلا رہا تھا ۔   2 فروری کو نئی دہلی میں دونوں فریقوں کے درمیان اعلی سطحی میٹنگ کے بعد، مالدیپ کی وزارت خارجہ نے کہا کہ ہندوستان 10 مئی تک مالدیپ میں تین ایوی ایشن پلیٹ فارم چلانے والے اپنے فوجیوں کو واپس بلا لے گا۔ 
نیوز ویب سائٹ edition.mv نے مالدیپ کی وزارت خارجہ سے فوجوں کی واپسی کے حوالے سے ہندوستان کے ساتھ طے پانے والے معاہدے کے بارے میں معلومات مانگی تھی۔ جواب میں، وزارت نے کہا، معلومات کے حق کے قانون کے سیکشن 29 کے تحت، وہ ہندوستان کے ساتھ معاہدے کو عام نہیں کرے گی۔ بتادیں کہ معز کو چین نواز لیڈر سمجھا جاتا ہے اور صدر بننے کے بعد انہوں نے ترکی اور چین کا دورہ کیا اور ان کے ساتھ کئی معاہدے کیے لیکن وہ ہندوستان  نہیں آئے، جب کہ مالدیپ کے سابق صدر کئی دہائیوں سے ہندوستان کے لیے مددگار رہے ہیں۔ اقتدار میں آنے کے بعد سب سے پہلے دورہ کرنے والے تھے۔
  ہندوستانی فوجی مالدیپ میں ہندوستان کی طرف سے تحفے میں دیئے گئے ہیلی کاپٹروں کو چلانے کے لیے تعینات ہیں۔ مالدیپ میں نومبر 2023 میں انڈیا آؤٹ کا نعرہ لگا کر برسراقتدار آنے والے صدر محمد معز نے حلف اٹھانے کے چند گھنٹے بعد ہی ہندوستانی فوجیوں کی واپسی کا مطالبہ کیا تھا۔ اس کے بعد دونوں ممالک کے درمیان بات چیت میں فوجیوں کے پہلے گروپ کو 10 مارچ تک اور ہندوستانی فوجیوں کے آخری گروپ کو 10 مئی تک واپس بلانے پر اتفاق کیا گیا۔ ان کی جگہ بھارتی سویلین اہلکار ہیلی کاپٹر چلائیں گے۔ مالدیپ نے کہا ہے کہ یہ ہندوستانی اہلکار اپنی فوج کی ہدایات پر کام کریں گے۔