ملک میں ریپ کے واقعات پر کانگرس ممبر پارلیمنٹ ادیر رنجن چودھری نے سخت تبصرہ کیا ہے ۔کانگرس ممبر پارلیمنٹ ادھیر رنجن چودھری نے لوک سبھا میں حیدرآباد گینگ ریپ اور اترپردیش کے اناؤ  میں ریپ متاثرہ  کوجلانے کا معاملہ اٹھایا تھا۔ انہوں نے وزیر اعظم مودی پر حملہ کرتے ہوئے کہا ہے کہ بی جے پی نے جس بھارت کی شناخت ' میک ان انڈیا' سے  بتائی تھی وہ بھارت اب' ریپ ان انڈیا'کی طرف بڑھتا جا رہا ہے۔

.  منگل کو کانگرس  ممبر پارلیمنٹ  نے  ایوان زیریں میں کہا کہ  ہر دن بھارت میں 106 ریپ ہوتے ہیں۔اناؤ ریپ متاثرہ کی موت ہو گئی۔ہم شرمندہ ہیں، لیکن  ہر معاملے میں بولنے والے وزیر اعظم کبھی کوئی بیان نہیں دیتے۔ بھارت'  میک ان انڈیا' سے ' ریپ ان انڈیا' بن رہا ہے   اور  بدقسمتی ہے کہ وزیر اعظم  یوں توتمام مسائل پر بولتے ہیں، لیکن خواتین کے خلاف جرائم پر وہ خاموش ہیں۔

https://twitter.com/ANI/status/1204291206353580032?ref_src=twsrc%5Etfw%7Ctwcamp%5Etweetembed%7Ctwterm%5E1204291206353580032&ref_url=https%3A%2F%2Faajtak.intoday.in%2Fstory%2Fadhir-ranjan-chaudhary-congress-leader-lok-sabha-make-in-india-rape-in-india-1-1144623.html
اس سے پہلے چودھری نے کہا کہ  6 دسمبر سے پارلیمنٹ میں  ریپ کے واقعات پر بحث ہو رہی ہے ۔ انہوں نے  اناؤ معاملے پر غصہ کا اظہار کرتے ہوئے کہا  کہ  اناؤ میں متاثرہ لڑکی 95 فیصد تک جل گئی تھی۔آخر اس ملک میں کیا چل رہا ہے  ؟  ایک طرف رام مندر بناے کی بات ہوتی ہے ، دوسری طرف سیتا ماؤں کو جلایا جا رہا ہے ۔ ادھیر رنجن کے اس بیان کے بعد کانگرس نے ایوان کی کارروائی کا بائیکاٹ کیا اور اٹھ کر چلے گئے ۔