نیشنل ڈیسک: کوئی شخص کیا بغیر کچھ کھائے-پیئے رہ سکتا ہے ؟، وہ بھی ایک دن، ایک ہفتہ یا ایک مہینہ نہیں پورے 80 سال تک۔اتنا ہی نہیں کیا یوگا سے روزانہ  کے عمل ( ٹائلٹ )کو روکا جا سکتا ہے۔ باتیں سن کر شاید آپ کو یقین نہ کر پائیں لیکن یہ سچ ہے۔ گجرات کے پرہلاد جانی کا کچھ ایسا ہی دعویٰ ہے۔ 90 سال کے پرہلاد جانی کہتے ہیں کہ انہوں نے 80 سال سے نہ تو کچھ کھایا ہے اور نہیں کچھ پیا ہے۔ یہاں تک کہ انہوں نے اپنے روز مرہ کے کام (ٹائلٹ ) کوبھی یوگا کے دم پر روک رکھا ہے ۔ اور ان سب کے بعد بھی وہ مکمل طور پر صحت مند  اور زندہ ہیں۔

80 سال سے نہ کچھ کھایا نہ پیا 
گجرات کے مہسانا کے رہنے والے پرہلاد جانی عرف ماتاجی چنری والے سائنسدانوں کے لئے چیلنج بنے ہوئے ہیں۔ پرہلاد جانی کا کہنا ہے کہ جب وہ 10 سال کے تھے تب انہوں نے روحانی زندگی کے لئے اپنا گھر چھوڑ دیا تھا۔ ایک سال تک وہ ماتا امبے کی بھگتی میںڈوبے  رہے، جس کے بعد ان پر ماتا کی کرپا ہوئی اور اس کے بعد سے نہ تو انہیں بھوک لگتی ہے اور نہ ہی پیاس۔ اتنا ہی نہیں ماتا کی بھگتی میںمگن  رہتے-رہتے اب خود وہ بھی ساڑی، سندور اور ناک میں نتھ پہننے لگے ہیں اور عورتوں کی طرح ہی مکمل سنگھار کرتے ہیں۔ معلومات کے مطابق پرہلاد جانی گزشتہ 50 سال سے گجرات کے احمد آباد سے 180 کلومیٹر دور پہاڑی پر امبا جی مندر کی  گپھا کے قریب رہتے ہیں۔

سائنسدانوں نے بھی  مانی ہار 
 پرہلاد جانی کے دعووں نے سائنسدانوں اور ڈاکٹروں کو بھی حیرت میں ڈال رکھا ہے۔ملک و بیرون ملک کے ڈاکٹر سمیت اسرو کے سائنسی بھی پرہلاد جانی کے رازکو جاننا چاہتے ہیں۔ اس کے لئے کبھی ملک کے مشہور ادارے ڈی آر ڈی او کے سائنسدانوں کی ٹیم تو کبھی بڑے بڑے ڈاکٹروں کے پینل نے سی سی ٹی وی کیمرے کی نظر میں پرہلاد جانی کو 15 دن سے لے کر ایک ماہ تک 24 گھنٹے رکھا۔ جہاں ان کا  ایک ایک سیکنڈ کا ویڈیو لیا گیا۔اس دوران انہوں نے نہ تو کچھ کھایا، نہ پیا اور نہ ہی بیت الخلا ء گئے۔ جس کے بعد سے ڈاکٹر سے لے کر سائنسدانوں تک سب حیران تھے کہ بغیر کھائے-پیئے اور بیت الخلاء گئے کوئی شخص اتنے سالوں تک کیسے زندہ رہ سکتا ہے۔ 
جس کے بعد ان کے جسم کی اندر کی سرگرمی کو جاننے کے لئے ڈاکٹروں نے ان کے بہت سے ٹیسٹ بھی کئے۔ جس میں یہ سامنے آیا کہ پرہلاد جانی کے مثانے میں یورن بنتا تو ہے، لیکن کہاں غائب ہوجاتا ہے ، اس کا پتہ کرنے میں سائنس بھی ابھی تک ناکام ہی رہا ہے۔ جس کے بعد سے جانی طب اور سائنس کے لئے پراسرار پہیلی بنے ہوئے ہیں۔

سنگین بیماریوں کے علاج کا دعویٰ
 پرہلاد جانی کا دعویٰ ہے کہ وہ اسی طرح سے ایک ہزار سال تک زندہ رہیں گے۔ اس کے ساتھ ہی وہ ایڈز، ڈائبٹیز جیسی سنگین بیماریوں کا علاج کرنے کا بھی دعویٰ کرتے ہیں۔ اتنا ہی نہیں وہ  بے اولاد لوگوں کو محض ایک پھل دے کر ان کا علاج کرتے ہیں۔ ان کے بھگتوں کا کہنا ہے کہ انہوں نے سینکڑوں لوگوں کا علاج کیا ہے۔