بیجنگ: چین کے شمال مغربی علاقے ننگزیا میں جمعرات کو ایک ہائی وے پر ایک ٹرک مسافر وین سے ٹکرا گیا جس کے نتیجے میں نو افراد ہلاک اور دو زخمی ہو گئے۔ سرکاری اخبار 'ننگزیا ڈیلی' میں شائع ہونے والی خبر کے مطابق یہ واقعہ چنگ ٹونگشیا شہر کے باہر صبح 7.40 بجے کے قریب پیش آیا۔ زخمیوں کو ہسپتال لے جایا گیا۔ ان کی حالت مستحکم بتائی جاتی ہے۔
 ایک اہلکار نے چینی میڈیا کو بتایا کہ واقعے میں وین ڈرائیور کی موت ہو گئی ہے، جب کہ ٹرک ڈرائیور زخمی ہوا ہے اور اس کا علاج کیا جا رہا ہے۔ واقعے کی فوٹیج مقامی میڈیا چینلز پر دکھائی گئی جس میں وین کے اگلے حصے کو نقصان پہنچا ہوا نظر آرہا ہے۔ حکام نے بتایا کہ وہ حادثے کی وجہ جاننے کی کوشش کر رہے ہیں۔