بیجنگ: چین میں جان لیوا کورونا وائرس سے بدھ کو مزید29 لوگوں کی موت ہوگئی ہے ۔ اس کے ساتھ ہی اس وائرس سے مرنے والوں کی تعداد بڑھ کر 2744 ہو گئی ہے۔قومی صحت کمیشن ( این ایچ سی )نے بتایا کہ 29 جنوری کے بعد پہلی بار ایسا ہوا ہے جب اس وائرس سے ایک دن میں اتنے لوگ مارے گئے ہیں۔ اس سے پہلے 29 جنوری کو کورونا وائرس کی وجہ 26 لوگ مارے گئے تھے۔
قومی ہیلتھ کمیشن کے مطابق ان 29 مرنے والوں میںصوبہ ہوبئی میں 26 اور بیجنگ، ہئی لونگ ژیانگ اور ہینن میں ایک ایک شخص کی موت ہوئی ۔جس کے بعد مرنے والوں کی کل تعداد 2744 ہو گئی ہے ۔کمیشن نے بتایا کہ بدھ کو اس کے 433 نئے کیس سامنے آئے ہیں۔ان میں سے 24 کے علاوہ تمام کیس ہوبئی صوبے میں سامنے آئے ہیں، جس کی دارالحکومت ووہان سے گزشتہ سال دسمبر سے یہ وائرس پھیلنا شروع ہوا تھا۔ملک میں ابھی اس کے کل78500 مقدمات ہیں۔
چین کی کمیٹی برائے صحت کے مطابق ملک کے 31 صوبوں کے مختلف ہسپتالوں میں داخل 32495 لوگوں کو علاج کے بعد چھٹی دے دی گئی ہے۔اس کے نئے مقدمات میں گزشتہ چند ہفتوں سے اگرچہ کمی آ رہی ہے۔ ہوبئی میں اب بھی اس کا قہرجاری ہے ،لیکن چین کے باقی شہروں میں آہستہ آہستہ معمولات زندگی پٹری پر واپس آ رہے ہیں۔فی الحال تمام سکول بند ہیں۔