نیشنل ڈیسک: کویت میں آتشزدگی سے ہلاک ہونے والے کیرالہ سے تعلق رکھنے والے افراد کی تعداد 24 ہوگئی ہے جب کہ جنوبی ریاست سے تعلق رکھنے والے 7 افراد شدید زخمی ہیں۔ زخمیوں کا خلیجی ملک کے مختلف اسپتالوں میں علاج جاری ہے۔  کیرالہ کے غیر مقیم لوگوں سے متعلق  'نورکا روٹس' کے ایک سینئر افسر نے جمعرات کو یہ معلومات دی۔
مرنے والوں میں 40 ہندوستانی بھی شامل
کیرالہ حکومت نے جمعرات کو کویت میں آگ لگنے سے ہلاک ہونے والے کیرالی باشندوں کے خاندانوں کو پانچ لاکھ روپے کی مالی امداد فراہم کرنے کا فیصلہ کیا ہے۔ بدھ کے روز جنوبی کویت کے علاقے منگاف میں ایک کثیر المنزلہ عمارت میں لگنے والی زبردست آگ کے نتیجے میں 49 غیر ملکی کارکن ہلاک اور 50 زخمی ہو گئے۔ اطلاعات کے مطابق مرنے والوں میں 40 ہندوستانی ہیں۔ وزیر اعلی کے دفتر سے جاری ایک بیان میں کہا گیا ہے کہ وزیر اعلی پنرائی وجین نے آج صبح کابینہ کی ایک ہنگامی میٹنگ میں یہ فیصلہ لیا۔
کیرالہ حکومت کا بیا ن
بیان میں کہا گیا ہے کہ حکومت کی طرف سے موصول ہونے والی معلومات کے مطابق اس واقعہ میں کیرالہ کے 19 لوگوں کی موت ہوئی ہے۔ بتایا گیا کہ کابینہ نے اس حادثے میں زخمی ہونے والوں کو ایک ایک لاکھ روپے کی مالی امداد دینے کا بھی فیصلہ کیا ہے۔ وزیر اعلی کے دفتر سے جاری ہونے والے بیان میں یہ بھی کہا گیا ہے کہ  اس حادثے میں زخمی ہونے والوں کے علاج اور مہلوکین کی لاشوں کو ہندوستان واپس لانے کی کوششوں میں ہم آہنگی کے لئے کے لیے ریاستی وزیر صحت وینا جارج کو فوری طور پر کویت بھیجنے مربوط کرنے کا فیصلہ کیا گیا ہے۔
پانچ لاکھ روپے کی مالی امداد
بیان کے مطابق معروف ہندوستانی تاجر ایم اے یوسف علی اور روی پلئی نے وزیر اعلی کو بتایا کہ وہ حادثے میں ہلاک ہونے والے ہر کیرالی کے لواحقین کو بالترتیب 5 لاکھ اور 2 لاکھ روپے کی امداد فراہم کریں گے۔ بیان میں کہا گیا ہے کہ این او آر کے اے کے ذریعہ سے انہیں یہ مالی مدد دی جائے گی اور واقعہ میں ہلاک ہونے والے ریاست کے ہر فرد کے خاندان کو دونوں تاجروں کی مدد سے 12 لاکھ روپے ملیں گے۔
NORCA کب قائم ہوا؟
کیرالہ کے غیر رہائشی افراد (NORCA)  سے  جڑے  محکمہ کی تشکیل 1996 میں ریاستی حکومت نے تشکیل دیا تھا۔ یہ محکمہ ہندوستان اور بیرون ملک مقیم کیرالہ کے غیر مقیم لوگوں کی شکایات کو دور کرنے اور ان کے ساتھ مستقل شراکت قائم کرنے کے مقصد سے تشکیل دیا گیا تھا۔  NORCA محکمہ کے چیف ایگزیکٹو آفیسر کا اضافی چارج سنبھال رہے اجیت کولاسیری  نے کہا کہ کویت میں اس کے ہیلپ ڈیسک کے ذریعہ غیر رسمی طور پر فراہم کردہ معلومات کے مطابق،جان گنوانے والے لوگوں میں کیرالہ کے لوگوں تعداد بڑھ رہی ہے۔ صبح یہ تعداد 12 تھی، اس کے بعد 19 اور اب 24 ہوگئی ہے۔ اس سے پہلے کیرالہ حکومت نے کہا تھا کہ اسے موصول ہونے والی اطلاع کے مطابق اس آگ میں کیرالہ کے 19 لوگوں کی موت ہو گئی ہے۔