انٹرنیشنل ڈیسک:دنیا میں عجیب و غریب شوق رکھنے والوں کی کمی نہیں ہے ۔ اکثر لوگ اپنے پالتو جانوروں کو انسان جیسا بنانے کی کوشش کرتے ہیں اور اپنے کتے، بلی یا بندروں  جیسے پالتؤوں کو  انسانوں جیسا س لباس  پہناتے ہیں لیکن ایک شخص نے خود کو کتا بنانے کے لیے کروڑوں خرچ کر دیے۔ معاملہ جاپان کا ہے۔ جاپان میں ایک شخص نے اپنا شوق پورا کرنے کے لیے حیران کن کام کر دیا ہے۔ اس شخص نے کتے کی طرح نظر آنے کے لیے 12 لاکھ روپے خرچ کر دیے۔ ٹویٹر صارف @toco_eevee نے اپنی تصویر ٹویٹ کی جس میں انہوں نے بتایا کہ یہ ان کی زندگی کا خواب تھا۔

 ایک انسان کا کتے کی طرح  ہونے کا ویڈیو سامنے  آنے کے بعد تو جیسے  انٹرنیٹ پر آگ ہی لگ گئی۔ اس نے کولی نسل کے کتے کی شکل اختیار کر لی۔ جاپانی میڈیا کے مطابق Zeppet نامی کمپنی نے کتے کی شکل بنانے میں اس شخص کی مدد کی ہے۔ یہ کمپنی فلموں اور اشتہارات کے لیے ملبوسات بناتی ہے۔ کتے جیسا نظر آنے والا یہ لباس 20 لاکھ ین یعنی تقریباً 12 لاکھ روپے سے تیار کیا گیا ہے۔ اسے بنانے میں تقریبا 40 دن لگے ہیں۔

اس کے بارے میں بات کرتے ہوئے، ٹوکو نے کہا کہ میں نے کولی کا انتخاب کرنے کی وجہ یہ ہے کہ جب میں اسے پہنتا ہوں تو یہ میری حرکتوں سے  ایک دم بالکل اصلی لگتا ہے ۔  اس کے ساتھ ہی یہ میرا  سب سے پسندیدہ جانور ہے۔ مجھے یہ سب سے پیارا لگتا ہے۔  اس کے ساتھ ہی  میں بڑے بالوں والا جانور بننا چاہتا تھا ، کیونکہ اسے لباس میں آسانی سے چھپایا جا سکتا تھا۔

یہ پوچھے جانے پر کہ کیا وہ لباس پہن کر اپنے جسم کے اعضا کو حرکت دے سکتے ہیں،  اس پر ٹوکو نے کہا کہ اس پر کچھ پابندیاں ہیں۔ اگرچہ آپ اپنے ہاتھ پاؤں کو حرکت دے سکتے ہیں۔ لیکن اگر آپ یہ زیادہ کریں گے تو یہ انسانوں کی طرح نظر نہیں آئے گا۔